सावधान! रामनवमीनिमित्त पिंपरी-चिंचवडमधील वाहतुकीत मोठे बदल; भोसरी, चिखली आणि चाकणमधील ‘हे’ मार्ग राहतील बंद

पिंपरी प्रतिनिधी आकाश कांबळे,२५ मार्च २०२६ | मॅक्स मंथन वाहतूक अपडेट:

पिंपरी-चिंचवड : आगामी राम नवमी (दि. २६ मार्च २०२६) निमित्त पिंपरी-चिंचवड शहरात विविध ठिकाणी भव्य मिरवणुकांचे आयोजन करण्यात आले आहे. या मिरवणुकीदरम्यान भाविकांची मोठी गर्दी होण्याची शक्यता असल्याने, शहरातील वाहतूक सुरळीत ठेवण्यासाठी वाहतूक शाखेचे पोलीस उपायुक्त विवेक पाटील यांनी तात्पुरत्या स्वरूपात वाहतूक बदलांची अधिसूचना निर्गमित केली आहे.

हे बदल गुरुवारी (२६ मार्च) सकाळी १०:०० वाजल्यापासून रात्री १२:०० वाजेपर्यंत किंवा मिरवणूक संपेपर्यंत लागू राहतील. नागरिकांनी पर्यायी मार्गांचा वापर करावा, असे आवाहन प्रशासनाने केले आहे.

१. भोसरी वाहतूक विभाग

• बंद मार्ग: हरिओम स्वीट चौकाकडून दिघी रोडने भोसरी ओव्हर ब्रिजखाली येण्या-जाण्यास मनाई.

• पर्यायी मार्ग: ही वाहने हरिओम स्वीट चौकातून उजवीकडे वळून, विदर्भ मित्र मंडळापासून डावीकडे वळून आळंदी रोडने जातील.

• बंद मार्ग: दिघी चौकातून दिघी रोडला जाण्यास मनाई.

• पर्यायी मार्ग: वाहने पीएमटी चौकातून आळंदी रोडचा वापर करतील.

२. चिखली वाहतूक विभाग

• बंद मार्ग: पुणे-नाशिक महामार्गावरून छत्रपती शिवाजी महाराज चौक, मोशी येथे येण्यास सर्व वाहनांना बंदी.

• पर्यायी मार्ग: भारतमाता चौक मार्गे इच्छित स्थळी जाता येईल.

• बंद मार्ग: वाय पॉईंट कुदळवस्ती येथून अनुष्का सोसायटी व शिवाजी महाराज चौक, मोशीकडे येण्यास मनाई.

• पर्यायी मार्ग: भारतमाता चौक मार्गे वाहतूक वळवण्यात आली आहे.

३. चाकण वाहतूक विभाग

• बंद मार्ग: चाकण चौकाकडून महात्मा फुले चौक व नेहरू चौकाकडे जाण्यास मनाई.

• पर्यायी मार्ग: माणिक चौक, मेदनकरवाडी किंवा तळेगाव चौक, आंबेठाण चौक मार्गे प्रवास करावा.

• बंद मार्ग: मार्केट यार्ड बाजूकडून नेहरू चौकाकडे जाण्यास मनाई.

• पर्यायी मार्ग: आंबेठाण चौक मार्गे चाकण चौकातून इच्छित स्थळी जावे.

या अधिसूचनेतून रुग्णवाहिका, अग्निशमन दल आणि मिरवणुकीतील वाहने यांसारख्या अत्यावश्यक सेवांना वगळण्यात आले आहे. इतर सर्व वाहनचालकांनी पोलिसांना सहकार्य करावे, असे आवाहन करण्यात आले आहे.

© २०२६ मॅक्स मंथन डेली न्यूज. सर्व हक्क राखीव।