पिंपरी-चिंचवड: पिंपरी-चिंचवड महानगरपालिकेच्या नगररचना तथा बांधकाम परवानगी व अनधिकृत बांधकाम नियंत्रण विभागाचा संशयास्पद कारभार पुन्हा एकदा चव्हाट्यावर आला आहे. ज्या अधिकाऱ्यांवर शहरातील अनधिकृत बांधकामे रोखण्याची मुख्य जबाबदारी आहे, त्याच विभागातील उपकार्यकारी अभियंता अशोक बबनराव कुटे हे स्वतः नियमबाह्य बांधकामात गुंतले असल्याचा आणि वर्षानुवर्षे कागदी घोडे नाचवून या प्रकरणावर काळा पडदा टाकत असल्याचा गंभीर प्रकार उघडकीस आला आहे. प्रशासनातील जबाबदार अधिकारीच जर अशा कृत्यांमध्ये सामील असतील, तर सामान्यांनी दाद मागायची कुठे? असा संतप्त सवाल नागरिकांमधून विचारला जात आहे.