पिंपरी चिंचवड: पोलीस आयुक्तालयांतर्गत कार्यक्षमतेला नवी गती देण्यासाठी पोलीस आयुक्त विनय कुमार चौबे यांच्या मार्गदर्शनाखाली तयार करण्यात आलेल्या पोलीस उप-आयुक्त, विशेष शाखा यांच्या स्वतंत्र कार्यालयाचे उद्घाटन दि. २४ ऑगस्ट २०२६ रोजी मोठ्या उत्साहात पार पडले. पोलीस आयुक्त श्री. विनय कुमार चौबे यांच्या हस्ते फीत कापून व नामफलकाचे अनावरण करून या कार्यालयाचे अधिकृत उद्घाटन करण्यात आले.

पिंपरी चिंचवड पोलीस आयुक्तालयात पोलीस उप-आयुक्त (विशेष शाखा) म्हणून श्री. धीरज पाटील यांची दि. २७ मे २०२६ रोजी नेमणूक करण्यात आली होती. त्यांच्या दैनंदिन व प्रशासकीय कामकाजाच्या सुलभतेसाठी पोलीस आयुक्तांच्या निर्देशानुसार हे स्वतंत्र कार्यालय उभारण्यात आले आहे.

उद्घाटनप्रसंगी उपस्थितांना मार्गदर्शन करताना पोलीस आयुक्त श्री. विनय कुमार चौबे यांनी सांगितले की  नवीन स्वतंत्र कार्यालयामुळे विशेष शाखेकडील विविध प्रशासकीय, गोपनीय व नागरिकांशी संबंधित कामकाज अधिक सुलभ, पारदर्शक आणि वेगाने होण्यास मदत होईल. पोलीस दलातील सर्व अधिकारी व कर्मचाऱ्यांनी कर्तव्यनिष्ठा, कार्यक्षमता आणि समर्पित भावनेने आपले कर्तव्य बजावले पाहिजे.

या उद्घाटन सोहळ्यास पिंपरी चिंचवड पोलीस दलातील सर्व प्रमुख व वरिष्ठ अधिकारी मोठ्या संख्येने उपस्थित होते.  पोलीस आयुक्त श्री. विनय कुमार चौबे, पोलीस सह आयुक्त डॉ. शशिकांत महावरकर, अपर पोलीस आयुक्त श्री. सारंग आवाड (गुन्हे), डॉ. बसवराज तेली (प्रादेशिक विभाग), पोलीस उप-आयुक्त श्री. धीरज पाटील (विशेष शाखा), श्री. रोहिदास पवार (गुन्हे शाखा), श्री. गणेश इंगळे (मुख्यालय), श्री. संदीप आटोळे (झोन १), श्री. प्रदीप जाधव (झोन २), श्री. मारुती जगताप (झोन ३), श्री. विक्रांत देशमुख (वाहतूक शाखा),  सहायक पोलीस आयुक्त श्री. सुनील पंधरकर (विशेष शाखा), श्री. रणजीत पाटील (प्रशासन), श्री. सुदर्शन राठोड (गुन्हे-१), श्री. सचिन कदम (गुन्हे-२), श्री. सुधाकर यादव (एमआयडीसी भोसरी विभाग), श्रीमती रोहिणी बाणकर (सायबर / आर्थिक गुन्हे शाखा),  वरिष्ठ पोलीस निरीक्षक श्री. हेमंत कदम (विशेष शाखा-१), श्री. संजय नरावाड (विशेष शाखा-२) या कार्यक्रमास विशेष शाखा-१ व विशेष शाखा-२ कडील सर्व पोलीस अधिकारी व अंमलदार मोठ्या संख्येने उपस्थित होते.