पिंपरी-चिंचवड महापालिकेच्या कर्जरोख्यांची (बाँड्स) राष्ट्रीय पातळीवर मोहोर; असोचेमतर्फे दोन मानाचे पुरस्कार प्रदान!

पिंपरी चिंचवड प्रतिनिधी लक्ष्मण प्रधान , दि. २६ ऑगस्ट २०२६ मॅक्स मंथन डेली न्यूज:

“पिंपरी-चिंचवड महानगरपालिकेने शहर विकासाच्या अनुषंगाने चारशे कोटी रुपयांचे कर्जरोखे उभारून भांडवली बाजारातून थेट निधी उभारणीची एक नवी आणि धाडसी दिशा निर्माण केली आहे. या यशस्वी उपक्रमामुळे आपल्या महानगरपालिकेला स्वतंत्रपणे निधी उभा करण्याची नवी क्षमता प्राप्त झाली असून, आर्थिक स्वावलंबनाच्या प्रवासात हा एक अत्यंत महत्त्वाचा टप्पा ठरला आहे. असोचेमच्या राष्ट्रीय शिखर परिषदेअंतर्गत मिळालेला सुवर्ण श्रेणीचा सर्वोत्तम पर्यावरण, सामाजिक आणि सुशासन कर्जरोखे वितरक आणि रौप्य श्रेणीचा सर्वोत्तम महानगरपालिका कर्जरोखे वितरक हे दोन्ही प्रतिष्ठित पुरस्कार मिळणे ही आपल्या उत्तम प्रशासकीय नियोजनाची, दूरदृष्टीची आणि पारदर्शक कारभाराची अत्यंत महत्त्वाची पोचपावती आहे. हे यश आपल्या संपूर्ण शहरासाठी अत्यंत अभिमानास्पद आहे.”

— अभिषेक बारणे (सभापती, स्थायी समिती, पिंपरी चिंचवड महापालिका)