नेपाळमधील रसुवा जिल्ह्यातील भोटे कोशी नदीला (Bhote Koshi River) अचानक आलेल्या भीषण पुरामुळे (Flash Flood) मोठा हाहाकार उडाला असून तेथील जनजीवन पूर्णपणे विस्कळीत झाले आहे. या नैसर्गिक आपत्तीत विविध देशांतील व भारतासह महाराष्ट्रातील अनेक पर्यटक अडकले आहेत.

नेपाळ पर्यटन बोर्डाने (Nepal Tourism Board) दिलेल्या अधिकृत प्राथमिक माहितीनुसार, या पुरामुळे विविध ट्रॅव्हल एजन्सींमार्फत प्रवास करणारे एकूण ३८४ पर्यटक बेपत्ता (Missing) असल्याचे निष्पन्न झाले आहे. यामध्ये २९१ परदेशी पर्यटक आणि ९३ नेपाळी नागरिकांचा समावेश आहे. या परदेशी पर्यटकांमध्ये भारतीय नागरिकांसह (India / NRI), अमेरिका, ब्रिटन, मलेशिया, दक्षिण आफ्रिका, ऑस्ट्रेलिया व नीदरलँड या देशांतील पर्यटकांचा समावेश आहे.

• टोल-फ्री नंबर: १२३४

• हॉटलाईन नंबर: ११४४

• टुरिस्ट पोलीस (Tourist Police): +९७७-९८५१२८९४४५

• ईमेल: info@ntb.org.np

महाराष्ट्र राज्य आपत्ती व्यवस्थापन प्राधिकरणाने (मंत्रालय, मुंबई) नेपाळमध्ये अडकलेल्या महाराष्ट्रातील नागरिकांची माहिती संकलित करण्यासाठी विशेष ऑनलाइन प्रणाली उपलब्ध करून दिली आहे.

🔗 माहिती नोंदवण्यासाठी ऑनलाइन लिंक:

नेपाळमध्ये पुणे जिल्ह्यातील किंवा पिंपरी-चिंचवड परिसरातील कोणतेही नागरिक वा पर्यटक अडकले असल्यास, त्यांच्या कुटुंबीयांनी तात्काळ वरील लिंकवर जाऊन माहिती नोंदवावी, असे आवाहन पुण्याचे जिल्हाधिकारी तथा अध्यक्ष, जिल्हा आपत्ती व्यवस्थापन प्राधिकरण यांनी केले आहे.

• दूरध्वनी क्रमांक: ०२०-२६१२३३७१

• टोल फ्री हेल्पलाईन: १०७७