पिंपरी: माथाडी कामगारांच्या हक्कांसाठी आयुष्यभर संघर्ष करून कामगार चळवळीला नवी दिशा देणारे, अखिल भारतीय मराठा महासंघाचे संस्थापक तथा माथाडी कामगारांचे भाग्यविधाते स्व. आमदार अण्णासाहेब पाटील यांच्या ९३ व्या जयंतीनिमित्त शिवसेना प्रणित महाराष्ट्र मजदूर संघटनेच्या वतीने विनम्र अभिवादन करण्यात आले. चिंचवड येथील के. एस. बी. चौकातील स्व. अण्णासाहेब पाटील यांच्या पुतळ्यास पुष्पहार अर्पण करून त्यांच्या कार्याचा जागर करण्यात आला.

यावेळी बोलताना शिवसेना उपनेते इरफानभाई सय्यद म्हणाले, “स्व. अण्णासाहेब पाटील यांनी माथाडी कामगारांना केवळ हक्क मिळवून दिले नाहीत, तर त्यांच्या श्रमाला सामाजिक प्रतिष्ठा आणि कायदेशीर संरक्षण मिळवून देण्यासाठी मोठा संघर्ष केला. कामगारांच्या प्रश्नांसाठी त्यांनी उभारलेली चळवळ आजही लाखो कामगारांना प्रेरणा देत आहे. त्यांच्या विचारांची आणि कार्याची जपणूक करणे हीच त्यांना खरी आदरांजली ठरेल.”

याप्रसंगी माथाडी कामगारांच्या समस्या, त्यांच्या हक्कांचे संरक्षण आणि कामगार कल्याणासाठी संघटितपणे काम करण्याचा खंबीर निर्धार व्यक्त करण्यात आला. अण्णासाहेब पाटील यांनी उभारलेली कामगार चळवळ ही केवळ एका समाजाची किंवा घटकाची नसून संपूर्ण कष्टकरी वर्गाच्या न्याय्य हक्कांसाठीचा लढा असल्याचे उपस्थितांनी नमूद केले.

या अभिवादन कार्यक्रमाला पिंपरी-चिंचवड शहर पुणे जिल्हाध्यक्ष हनुमंत तरडे, पुणे जिल्हा संघटक प्रदीप धामणकर, मारुती अप्पा कवदरे, नागेश वनवटे, रवि गोडेकर, सर्जेराव कचरे, अशोक साबळे, सुरेश ठीक, अविनाश भोसले, संदीप जांभळे, रोहित नवले, युवराज पोतेकर, अजय भोर, किरण देवकर, गणेश देवडकर, सुरज गुजर, अमित पासलकर, सुनील सावळे, अमृत शिंदे, अविनाश जांभळे, नाना नाईकवाडे, संदीप साबळे, गणेश नाईकवाडे, आयुष शिंदे, रत्नाकर भोजने, विक्रम मोरे, सोमनाथ डफळे, समर्थ नायकवडे, सुभाष पुजारी, महेश पार्टे, सागर पवार, बालाजी खैरे यांच्यासह संघटनेचे पदाधिकारी, विविध माथाडी टोळ्यांचे मुकादम आणि मोठ्या संख्येने सभासद कामगार उपस्थित होते.