राष्ट्रवादी काँग्रेसचा वर्धापन दिन: सोलापुरातून हजारो कार्यकर्ते बालेवाडीच्या मेळाव्यास जाणार!

१० जून रोजी पुण्यात भव्य राज्यव्यापी मेळावा; अजित दादा पवार, प्रफुल पटेल, सुनील तटकरे यांच्यासह नेत्यांचे मार्गदर्शन लाभणार, सोलापूर शहर राष्ट्रवादी काँग्रेसची जय्यत तयारी! (मॅक्स मंथन डेली न्यूज, सोलापूर)

सोलापूर / प्रतिनिधी, ७ जून २०२५: राष्ट्रवादी काँग्रेस पार्टीचा (अजितदादा पवार गट) वर्धापन दिन येत्या १० जून रोजी पुणे बालेवाडी स्टेडियम येथे भव्य मेळाव्याच्या स्वरूपात साजरा होणार आहे. या महत्त्वपूर्ण मेळाव्यास राज्यभरातून हजारो कार्यकर्ते उपस्थित राहणार असून, सोलापुरातूनही हजारोंच्या संख्येने कार्यकर्ते उपस्थित राहण्यासाठी जोरदार तयारी सुरू झाली आहे.

नेत्यांचे मार्गदर्शन आणि पश्चिम महाराष्ट्राच्या नियोजनावर भर

या मेळाव्यास राष्ट्रवादीचे राष्ट्रीय अध्यक्ष अजित दादा पवार, राष्ट्रीय कार्याध्यक्ष प्रफुल पटेल, प्रदेशाध्यक्ष खासदार सुनीलजी तटकरे, छगन भुजबळ, हसन मुश्रीफ तसेच राष्ट्रवादीच्या मंत्री मंडळातील मंत्री आणि राष्ट्रवादीच्या प्रमुख नेत्यांचे मार्गदर्शन कार्यकर्त्यांना मिळणार आहे. यामुळे कार्यकर्त्यांमध्ये उत्साहाचे वातावरण आहे.

या मेळाव्याची पूर्वतयारी सुरू असून, राज्याचे प्रदेशाध्यक्ष खासदार सुनीलजी तटकरे यांनी व्हिडिओ कॉन्फरन्सद्वारे मीटिंग घेऊन सर्व जिल्हाध्यक्षांना नियोजनाची तयारी करण्याच्या सूचना दिल्या आहेत. विशेषतः पश्चिम महाराष्ट्र नियोजनाची पूर्वतयारी करण्याकरता सुरेश अण्णा घुले यांची पश्चिम महाराष्ट्र समन्वयक म्हणून जबाबदारी देण्यात आली आहे.

सोलापूर शहर राष्ट्रवादी काँग्रेसची महत्त्वपूर्ण बैठक

सुरेश अण्णा घुले यांच्या मार्गदर्शन व सूचनेनुसार सोलापूर शहर राष्ट्रवादी काँग्रेस पार्टीची एक महत्त्वाची बैठक नुकतीच घेण्यात आली. या बैठकीत येत्या १० जून रोजी बालेवाडी येथे होणाऱ्या राष्ट्रवादीच्या भव्य मेळाव्यास सोलापूर शहरातून हजारो कार्यकर्ते उपस्थित राहण्याकरिता रणनीती ठरवण्यात आली. सोलापूर शहरातील सर्व ज्येष्ठ नेते, प्रदेश पदाधिकारी, सर्व फ्रंटल सेलचे अध्यक्ष, कार्याध्यक्ष, विधानसभा अध्यक्ष आणि शहर पदाधिकारी व शहर कार्यकारणी यांनी हजारोंच्या संख्येने राज्यव्यापी मेळाव्यास कार्यकर्ते घेऊन जाण्यासाठी तयारीला लागावे, असे आवाहन शहर जिल्हाध्यक्ष संतोष पवार आणि कार्याध्यक्ष जुबेर बागवान यांनी केले आहे.

बैठकीतील प्रमुख उपस्थिती

यावेळी व्यासपीठावर प्रदेश जिल्हाध्यक्ष संतोष पवार, कार्याध्यक्ष जुबेर बागवान, सरचिटणीस फारुक मटके, कुमार जंगडेकर, जनरल सेक्रेटरी प्रमोद भोसले, ज्येष्ठ नेते बाबाभाई सालार, सेवादल अध्यक्ष प्रकाश जाधव, महिला आघाडी कार्याध्यक्ष चित्रा कदम, युवक अध्यक्ष सुहास कदम, युवती अध्यक्ष किरण माशाळकर, अल्पसंख्यांक अध्यक्ष आमिर शेख, शहर उपाध्यक्ष शकील शेख, ओबीसी सेल विभाग अध्यक्ष अनिल छत्रबंद, ओबीसी सेल कार्याध्यक्ष आयुब शेख, अल्पसंख्याक जनरल सेक्रेटरी मोईज मुल्ला, दक्षिण विधानसभा अध्यक्ष अशपाक कुरेशी, वैद्यकीय मदत कक्ष प्रमुख बसवराज कोळी, दिव्यांग सेल विभाग अध्यक्ष एम. एम. इटकळे, उत्तर विधानसभा अध्यक्ष ॲड. अमोल कोटीवाले, प्रकाश झाडबुके, सामाजिक न्याय विभाग कार्याध्यक्ष अनिल बनसोडे, सागर गव्हाणे, शहर सचिव दत्तात्रय बनसोडे, मध्य विधानसभा अध्यक्ष अल्मेराज आबादी राजे, दक्षिण विधानसभा अध्यक्ष श्रीकांत वाघमारे, संतोष वेळापुरे, शामराव गांगर्डे, नाम पवार, बाबुराव इरवडकर, सोशल मीडिया शहराध्यक्ष वैभव गंगणे, कार्याध्यक्ष सोमनाथ शिंदे, कामगार आघाडी अध्यक्ष मार्तंड शिंगारे, कार्याध्यक्ष संजय सांगळे, प्रज्ञासागर गायकवाड, अल्पसंख्यांक मध्य विधानसभा अध्यक्ष नय्युम सालार यांची उपस्थिती होती.

या मेळाव्यामुळे राष्ट्रवादी काँग्रेस पक्ष अधिक मजबूत होईल आणि कार्यकर्त्यांना नवीन ऊर्जा मिळेल, अशी अपेक्षा व्यक्त केली जात आहे.

© 2025 मॅक्स मंथन डेली न्यूज. सर्व हक्क राखीव.