‘वन्हि तो चेतवावा’ ग्रंथाने पेटवली विचारांची ज्योत!

विचारांचा विवेक घडवणारे ‘वन्हि तो चेतवावा’

ग्रंथ हे पुढच्या पिढीपर्यंत विवेक पोहोचवण्यासाठी उत्कृष्ट माध्यम – विदुषी धनश्री लेले

पिंपरी, पुणे (दि. ३१ ऑगस्ट २०२५):

पिंपरी, प्रतिनिधी शाम सोनवणे -पिंपरी चिंचवड एज्युकेशन ट्रस्ट (पीसीईटी) संचालित इन्फिनिटी कम्युनिटी रेडिओच्या तिसऱ्या वर्धापन दिनानिमित्त एक महत्त्वपूर्ण कार्यक्रम आयोजित करण्यात आला होता. या कार्यक्रमात विदुषी धनश्री लेले यांच्या हस्ते ‘अध्याय पब्लिशिंग हाऊस’ प्रकाशित ‘वन्हि तो चेतवावा’ या ग्रंथाचे प्रकाशन झाले. यावेळी बोलताना विदुषी धनश्री लेले यांनी, प्रत्येक परिस्थितीनुसार योग्य आणि अयोग्य याची परिभाषा बदलत असते, त्यामुळे विचारांची पुढची पायरी म्हणजे विवेक होय, असे सांगितले. हा विवेक पुढच्या पिढीपर्यंत पोहोचवण्यासाठी ग्रंथ हे उत्कृष्ट माध्यम असल्याचेही त्यांनी नमूद केले.

‘वन्हि तो चेतवावा’ ग्रंथाचे विशेष स्वरूप

या ग्रंथाची निर्मिती देशाच्या ५२ गौरव गीतांच्या संकलनातून झाली आहे. यामध्ये संस्कृत, मराठी आणि हिंदी भाषेतील गीतांचा समावेश आहे. ग्रंथाचे स्वागत आणि प्रास्ताविक करताना पीसीईटीचे कार्यकारी संचालक डॉ. गिरीश देसाई यांनी सांगितले की, या गीतांवर चारुदत्त आफळे, श्री गोविंद देवगिरी महाराज, कै. स्वर्णलता भिशीकर, विश्वासबुवा कुलकर्णी, डॉ. मुक्ता गरसोळे, डॉ. प्रज्ञा कुलकर्णी, राहुल सोलापूरकर यांसारख्या १८ नामवंत व्यक्तींनी सविस्तर विवेचन केले आहे. ग्रंथनिर्मितीमध्ये विशेष योगदान देणाऱ्या सर्वांचा यावेळी सन्मानचिन्ह देऊन सत्कार करण्यात आला.

कार्यक्रमाला मान्यवरांची उपस्थिती

या कार्यक्रमाला पिंपरी चिंचवड एज्युकेशन ट्रस्टचे कार्यकारी संचालक डॉ. गिरीश देसाई, पीसीसीओईआरचे प्राचार्य डॉ. हरीश तिवारी, प्रकाशक अनिल आठलेकर, सज्जनगड संस्थानचे अजेय बुवा रामदासी, समर्थ भारत अभियानाचे डॉ. राजीव नगरकर, ज्ञानप्रबोधिनीच्या शीतल कापशीकर, इन्फिनिटी कम्युनिटी रेडिओच्या निर्मिती प्रमुख माधुरी ढमाले आणि पीसीईटी मीडिया अँड ब्रँडिंग डिपार्टमेंट हेड डॉ. केतन देसले आयोजनात पीसीसीओई आर्ट सर्कलच्या विद्यार्थ्यांनी सहभाग घेतला.
पिंपरी चिंचवड एज्युकेशन ट्रस्टचे अध्यक्ष ज्ञानेश्वर लांडगे, उपाध्यक्षा पद्माताई भोसले, सचिव विठ्ठल काळभोर, खजिनदार शांताराम गराडे, विश्वस्त तथा पीसीयूचे कुलपती हर्षवर्धन पाटील, उद्योजक नरेंद्र लांडगे, अजिंक्य काळभोर, कार्यकारी संचालक डॉ. गिरीश देसाई, पीसीसीओईआरचे प्राचार्य डॉ. हरीश तिवारी यांनी शुभेच्छा दिल्या, यांच्यासह अनेक मान्यवर उपस्थित होते. तसेच, क्रांतिकारकांच्या वेशात आलेले महाविद्यालयीन विद्यार्थी, प्राध्यापक, कर्मचारी आणि रेडिओचे श्रोते मोठ्या संख्येने सहभागी झाले होते.

या कार्यक्रमाच्या यशस्वी आयोजनात पीसीसीओई आर्ट सर्कलच्या विद्यार्थ्यांनीही विशेष सहभाग घेतला. या सोहळ्यासाठी पीसीईटीचे अध्यक्ष ज्ञानेश्वर लांडगे, उपाध्यक्षा पद्माताई भोसले, सचिव विठ्ठल काळभोर, खजिनदार शांताराम गराडे, विश्वस्त तथा पीसीयूचे कुलपती हर्षवर्धन पाटील, उद्योजक नरेंद्र लांडगे आणि अजिंक्य काळभोर यांनी शुभेच्छा दिल्या. कार्यक्रमाचे सूत्रसंचालन रेडिओच्या निर्मिती प्रमुख माधुरी ढमाले यांनी केले.

© 2025 मॅक्स मंथन डेली न्यूज. सर्व हक्क राखीव.