“नागरिकांच्या आरोग्याशी खेळ खपवून घेणार नाही!” नगरसेवक बाबासाहेब त्रिभुवन यांच्या तत्परतेमुळे रहाटणी गजानन नगरमधील ड्रेनेज समस्या मार्गी!
रहाटणी/पिंपरी आकाश कांबळे, २१ जून २०२६ मॅक्स मंथन डेली न्यूज:
रहाटणी: ऐन पावसाळ्याच्या तोंडावर नागरी समस्या सुटण्यास विलंब लावणाऱ्या प्रशासकीय ढिसाळपणाला बाजूला सारत, जनसेवेचा आदर्श काय असतो हे पिंपरी-चिंचवड मनपाचे कार्यक्षम नगरसेवक आणि स्थायी समिती सदस्य श्री. बाबासाहेब ज्ञानोबा त्रिभुवन यांनी पुन्हा एकदा दाखवून दिले आहे. रहाटणी परिसरातील गजानन नगर, ‘A’ कॉलनीमध्ये ड्रेनेज लाईन चोकअप झाल्यामुळे रस्त्यावर घाण व दुर्गंधीयुक्त पाणी साचले होते. नागरिकांच्या आरोग्याला निर्माण झालेला मोठा धोका ओळखून, बाबासाहेब त्रिभुवन यांनी केवळ निर्देश न देता स्वतः प्रत्यक्ष जागेवर उभे राहून ही गंभीर नागरी समस्या २४ तासांच्या आत सोडवली. याप्रसंगी त्यांनी ड्रेनेज विभागाच्या अधिकाऱ्यांना घटनास्थळी पाचारण करून काम तातडीने पूर्ण करून घेतले, ज्यामुळे स्थानिक नागरिक आणि महिला भगिनींनी त्यांच्या या गतिमान कार्यपद्धतीबद्दल मनापासून आभार मानले आहेत.
गजानन नगर येथील ‘A’ कॉलनी हा गजबजलेला रहिवासी परिसर आहे. गेल्या दोन दिवसांपासून या ठिकाणी मुख्य ड्रेनेज लाईन चोकअप झाल्याने रस्त्यावरून मोठ्या प्रमाणावर मैलायुक्त घाण पाणी वाहत होते. यामुळे संपूर्ण परिसरात प्रचंड दुर्गंधी पसरली होती आणि लहान मुले व ज्येष्ठ नागरिकांचे आरोग्य धोक्यात आले होते. स्थानिक रहिवाशांनी या समस्येबाबत नगरसेवक बाबासाहेब त्रिभुवन यांना माहिती दिली. विषयाचे गांभीर्य लक्षात घेऊन बाबासाहेब त्रिभुवन यांनी आपल्या सर्व व्यस्त कार्यक्रमांमधून वेळ काढत थेट गजानन नगरमध्ये धाव घेतली.
नगरसेवक बाबासाहेब त्रिभुवन यांनी घटनास्थळावरूनच पिंपरी-चिंचवड महानगरपालिकेच्या ड्रेनेज विभागाच्या वरिष्ठ अधिकाऱ्यांना संपर्क साधला. त्यांच्या आग्रहावरून ड्रेनेज विभागाचे कनिष्ठ अभियंता श्री. धनाजी नखाते हे संपूर्ण तांत्रिक पथकासह तात्काळ घटनास्थळी दाखल झाले.
बाबासाहेब त्रिभुवन यांनी स्वतः तिथे उपस्थित राहून ड्रेनेज चेंबर आणि चोकअप झालेली लाईन साफ करण्याचे काम युद्धपातळीवर सुरू करून घेतले. काही तासांच्या अथक परिश्रमानंतर ही लाईन पूर्ववत करण्यात आली आणि रस्त्यावर साचलेले घाण पाणी बंद झाले.
डुरुस्तीच्या कामाची पाहणी करताना बाबासाहेब त्रिभुवन यांनी कनिष्ठ अभियंता धनाजी नखाते आणि ड्रेनेज विभागाच्या पथकाला कडक सूचना दिल्या. ते म्हणाले, मान्सून काही दिवसांवर येऊन ठेपला आहे, अशा वेळी शहरातील किंवा प्रभागातील एकाही ड्रेनेज लाईनमध्ये पाणी तुंबता कामा नये. नागरिकांनी ड्रेनेज किंवा रस्त्यांवरील समस्येची तक्रार केल्यास अधिकाऱ्यांनी कार्यालयात फाईल न रेंगाळता तात्काळ प्रतिसाद देऊन काम पूर्ण करावे. पावसाळ्यात नागरिकांना आरोग्याचा कोणताही त्रास होऊ नये, यासाठी आतापासूनच सर्व संवेदनशील भागांतील ड्रेनेज चेंबर साफ करून घ्यावेत.
गजानन नगरमधील या यशस्वी कामानंतर स्थानिक नागरिकांशी संवाद साधताना नगरसेवक बाबासाहेब त्रिभुवन अत्यंत आपुलकीने म्हणाले:
“गजानन नगर आणि संपूर्ण रहाटणी परिसरातील नागरिक हे माझ्या कुटुंबासारखे आहेत. त्यांच्या आरोग्याला किंवा सुविधेला बाधा पोहोचणारी कोणतीही नागरी समस्या मी सहन करू शकत नाही. आगामी पावसाळा लक्षात घेता प्रभागातील ड्रेनेज यंत्रणा, रस्त्यांची कामे आणि पावसाळी गटारे स्वच्छ ठेवण्याला आमचे सर्वोच्च प्राधान्य आहे. ड्रेनेज चोकअपमुळे गजानन नगरमधील लहान मुले आणि नागरिकांचे आरोग्य धोक्यात आले होते, म्हणूनच मी स्वतः उपस्थित राहून हा प्रश्न तात्काळ सोडवला आहे. जनतेने माझ्यावर दाखवलेला विश्वास सार्थ ठरवत, त्यांच्या प्रत्येक सुख-दुःखात आणि अडीअडचणीत खंबीरपणे उभे राहण्यासाठी मी सदैव कटिबद्ध आणि तत्पर आहे!”
या धडक कारवाईमुळे गजानन नगरमधील ड्रेनेज यंत्रणा पूर्ववत झाली असून, नागरिकांनी बाबासाहेब त्रिभुवन यांच्या तत्पर आणि लोकाभिमुख नेतृत्वाचे भरभरून कौतुक केले आहे. “नेता असावा तर बाबासाहेब त्रिभुवन यांच्यासारखा, जो संकटसमयी थेट गल्लीबोळात येऊन नागरिकांचे अश्रू पुसतो,” अशा भावना येथील स्थानिक रहिवाशांनी व्यक्त केल्या.
© २०२६ मॅक्स मंथन डेली न्यूज. सर्व हक्क राखीव.
