‘संस्कारक्षम शिक्षण देऊन भावी पिढी घडवा’ – खासदार प्रणिती शिंदे यांचे आवाहन

उत्तर सोलापूर काँग्रेस कमिटीतर्फे १५ आदर्श शिक्षकांचा सन्मान; शिक्षण क्षेत्रावर चर्चासत्र घेण्याची घोषणा

सोलापूर, प्रतिनिधी :- पंडित गवळी १५ सप्टेंबर २०२५, मॅक्स मंथन डेली न्यूज:

उत्तर सोलापूर तालुक्यातील नान्नज येथे आयोजित एका विशेष कार्यक्रमात सोलापूर लोकसभा मतदारसंघाच्या खासदार प्रणिती शिंदे यांनी शिक्षकांनी केवळ पुस्तकी ज्ञान न देता, संस्कारक्षम शिक्षण देऊन भावी पिढी घडवावी, असे महत्त्वपूर्ण आवाहन केले. देशाचे माजी गृहमंत्री सुशीलकुमार शिंदे यांच्या वाढदिवसानिमित्त उत्तर सोलापूर तालुका काँग्रेस कमिटीने हा आदर्श शिक्षक सन्मान सोहळा आयोजित केला होता.

शिक्षकांचा गौरव आणि त्यांच्या योगदानाची दखल

या कार्यक्रमात बोलताना खासदार प्रणिती शिंदे म्हणाल्या की, “शिक्षण क्षेत्रातील शिक्षकांचे योगदान महत्त्वाचे असून, त्यांच्या कार्याची दखल घेऊन त्यांना सन्मानित करणे ही काळाची गरज आहे.” शिक्षकांच्या या कार्याला सलाम करताना त्यांनी लवकरच सोलापूर शहरात शिक्षकांसाठी एक दिवसाचे चर्चासत्र आयोजित करण्याची घोषणा केली. या चर्चासत्रात शिक्षण क्षेत्रातील समस्या आणि प्रगतीवर सखोल विचारमंथन केले जाईल, असे त्यांनी सांगितले.

कार्यक्रमाचे प्रास्ताविक करताना उत्तर सोलापूर तालुका काँग्रेसचे अध्यक्ष भारत जाधव यांनी सांगितले की, काँग्रेस पक्ष केवळ राजकारणच नाही तर सामाजिक भान ठेवणारा पक्ष आहे. पहिल्यांदाच भूमिपुत्र शिक्षकांचा गौरव होत असल्याचा आनंद त्यांनी व्यक्त केला.

सन्मानित शिक्षकांची यादी

या कार्यक्रमात खासदार प्रणिती शिंदे यांच्या हस्ते उत्तर सोलापूर तालुक्यातील १५ आदर्श शिक्षकांचा शाल, फेटा आणि सन्मानचिन्ह देऊन गौरव करण्यात आला. सन्मानित शिक्षकांमध्ये भास्कर गायकवाड, गिरीश देवकते, विठ्ठलसिंग राजपूत, राजकुमार कांबळे, भाऊसाहेब घोडके, सुहास राऊत, शंकर वडने, शीला ननवरे, शुभांगी पवार, सतीश घंटेनवर, सुशीलकुमार पाटील, किशोर गुंड, ज्ञानेश्वर गुंड, संजय साठे आणि निवृत्ती दळवी यांचा समावेश होता.

कार्यक्रमाला उत्तर सोलापूर काँग्रेस कमिटीचे अध्यक्ष भारत जाधव, जिल्हा काँग्रेसचे समन्वयक मनोज यलगुलवार, सचिन गुंड, शंकर मोरे, शिवाजी वस्पटे सर, किसन साखरे, पप्पू साखरे, वैभव घोडके, सौ. नंदा कांबळे, कदीर पठाण, संजय येलगुंडे, संस्था अध्यक्ष मा. अरुण (नाना) घोडके (सरकार), संस्था सचिव मा. डॉ. राजीवजी दबडे, दत्तात्रेय घोडके, नंदकुमार विभुते, संतोष म्हमाने, विक्रम घोडके, विशाल घोडके, यतिराज दडे, स्वराज घोडके, दाजी गोफणे, तात्यासाहेब कादे, दीपक अंधारे, मनोज साठे, प्राचार्य श्री. रमेश अगलदिवटे, भारत बोंगे, प्रताप टेकाळे विविध क्षेत्रांतील मान्यवर, काँग्रेसचे पदाधिकारी आणि नागरिक मोठ्या संख्येने उपस्थित होते.

© 2025 मॅक्स मंथन डेली न्यूज. सर्व हक्क राखीव.