सत्तेच्या शिखरावरून लोकांच्या दारी — चंद्रकांतदादा पाटील यांची झोपडपट्टीतील भावनिक भेट
झोपडपट्टीतील कार्यकर्त्याच्या घरात ‘दादा’ — पिंपरी चिंचवडच्या राजकारणात नवा आदर्श; शहरात उत्साहाचं वातावरण, कार्यकर्त्यांमध्ये नवचैतन्य
पिंपरी चिंचवड प्रतिनिधी बालाजी नवले, दि. ९ नोव्हेंबर २०२५, मॅक्स मंथन डेली न्यूज:
राज्याचे उच्च व तंत्र शिक्षण मंत्री आणि भारतीय जनता पक्षाचे ज्येष्ठ नेते मा. श्री चंद्रकांतदादा पाटील यांच्या पिंपरी-चिंचवड दौऱ्याने शहरात विकासाचा आणि उत्साहाचा नवा संदेश दिला आहे. शहरातील नागरी प्रश्न, विकासकामे आणि मूलभूत सुविधांचा आढावा घेण्यासाठी पार पडलेल्या उच्चस्तरीय बैठकीसोबतच झोपडपट्टीतील एका सर्वसामान्य कार्यकर्त्याच्या निवासस्थानी दिलेल्या ऐतिहासिक भेटीमुळे पिंपरी-चिंचवडच्या राजकारणात नवा आदर्श निर्माण झाला आहे.
स्थानिक स्वराज्य संस्था निवडणुकीच्या पार्श्वभूमीवर भाजप शहराध्यक्ष श्री शत्रुघ्न (बापू) काटे यांनी मा. श्री चंद्रकांतदादा पाटील यांचा हा महत्त्वपूर्ण दौरा नियोजित केला होता.
या दौऱ्याचे सर्वात मोठे वैशिष्ट्य म्हणजे, इतिहासात पहिल्यांदाच कॅबिनेट मिनिस्टर दर्जाचा नेता झोपडपट्टीतील एका कार्यकर्त्याच्या निवासस्थानी गेला आणि त्याच्याशी व त्याच्या कुटुंबीयांशी संवाद साधत सर्वसामान्य जनतेचे प्रश्न जाणून घेतले. श्री चंद्रकांतदादा पाटील यांनी घेतलेली ही भावनिक भेट सामान्य कार्यकर्त्यांच्या मनात नवी चेतना व ऊर्जा निर्माण करणारी ठरली आहे.
महापालिकेत पार पडलेल्या उच्चस्तरीय बैठकीत मा. चंद्रकांतदादा पाटील यांनी पाणीपुरवठा, रस्त्यांची दुरवस्था, वाहतूक कोंडी, अतिक्रमण आणि आरोग्य विभागातील अडचणी यांसारख्या महत्त्वाच्या विषयांवर सविस्तर चर्चा केली.
शहरातील चारही आमदारांनी यावेळी प्रलंबित प्रश्नांकडे मा. चंद्रकांतदादा पाटील यांचे लक्ष वेधले.
- आमदार श्री महेश दादा लांडगे, श्री शंकर शेठ जगताप, श्री अमित गोरखे आणि सौ. उमाताई खापरे यांनी शहरातील विविध प्रलंबित प्रश्नांवर आवाज उठवला.
- भाजप पिंपरी-चिंचवड शहराध्यक्ष श्री शत्रुघ्न (बापू) काटे यांनी शहरातील अनियमित पाणीपुरवठा, स्वच्छता, रस्ते आणि वाहतूक व्यवस्थेतील समस्या मांडून तातडीने उपाययोजना करण्याची मागणी केली.
मा. चंद्रकांतदादा पाटील यांनी याबाबत नाराजी व्यक्त करत पालिका प्रशासनाला फैलावर घेतले आणि प्रश्नांवर आपली सकारात्मक भूमिका मांडत ते लवकरात लवकर सोडवण्याचे आश्वासन दिले.
“पिंपरी चिंचवड शहर हे झपाट्याने वाढणारे औद्योगिक केंद्र आहे. नागरिकांच्या मूलभूत सोयी-सुविधांच्या उन्नतीसाठी प्रशासनाने ठोस आणि वेळबद्ध पावले उचलावीत,” असे स्पष्ट निर्देश श्री चंद्रकांत दादा पाटील यांनी अधिकाऱ्यांना दिले.
या दौऱ्यादरम्यान श्री चंद्रकांतदादा पाटील यांनी शहरातील विविध भागांना भेटी देत नागरिकांशी थेट संवाद साधला. नागरिकांनी आपले प्रश्न प्रत्यक्ष मांडले, तर ‘दादां’नी संयमी व संवादशील नेतृत्वातून सकारात्मक दृष्टीकोन मांडत सर्वांचा विश्वास संपादन केला.
चिंचवड आणि पिंपरी विधानसभा दौरा पूर्ण झाला असून, लवकरच भोसरी विधानसभा दौऱ्याचे नियोजन करण्यात येणार आहे. श्री चंद्रकांतदादा पाटील यांच्या या दौऱ्यामुळे कार्यकर्त्यांमध्ये नवचैतन्य निर्माण झाले असून, नागरिकांत आत्मीयता आणि विश्वासाचे वातावरण तयार झाले आहे.
यावेळी जिल्हाध्यक्ष श्री शत्रुघ्न (बापु) काटे, आमदार श्री महेशदादा लांडगे, आमदार श्री शंकरशेठ जगताप, आमदार श्री अमित गोरखे, आमदार सौ. उमाताई खापरे, मा. खासदार श्री अमरजी साबळे, माजी आमदार सौ. अश्विनीताई जगताप, प्राधिकरण मा. अध्यक्ष श्री सदाशिव खाडे, संगठन सरचिटणीस श्री मोरेश्वर शेडगे, श्री मधुकर बच्चे, डॉ संजीवनी पांडे, सौ वैशाली खाडेय, श्री राजू दुर्गे, श्री तुषार हिंगे, श्री केशव घोळवे, श्री शैलेश मोरे, सौ योगिता नागरगोजे, श्री कुणाल लांडगे, श्री कैलास कुटे, श्री मंगेश धाडगे, श्री धरम वाघमारे, श्री जयदीप खापरे, सौ अनिता वाळुंजकर, श्री गणेश लंगोटे, श्री सुनील कदम, महेंद्र बाविस्कर तसेच त्या त्या परिसरातील नगरसेवक, विविध विभाग प्रमुख, पक्षाचे पदाधिकारी आणि कार्यकर्ते उपस्थित होते.
© २०२५ मॅक्स मंथन डेली न्यूज. सर्व हक्क राखीव.
