पिंपरी-चिंचवड मनपाच्या ५ विषय समित्यांची घोषणा! स्थायीसह क्रीडा, शिक्षण आणि महिला बालकल्याण समितीवर सदस्यांची वर्णी; महापौरांकडून नवनियुक्त सदस्यांचा सत्कार

पिंपरी चिंचवड प्रतिनिधी बालाजी नवले, २१ फेब्रुवारी २०२६ | मॅक्स मंथन डेली न्यूज:

पिंपरी : पिंपरी-चिंचवड महानगरपालिकेच्या बहुप्रतिक्षित विषय समित्यांच्या निवडीचा मार्ग अखेर मोकळा झाला आहे. २० फेब्रुवारी २०२६ रोजी महापौर रवि लांडगे यांच्या अध्यक्षतेखाली झालेल्या विशेष सर्वसाधारण सभेत स्थायी समितीसह विधी, शहर सुधारणा, शिक्षण, महिला व बालकल्याण आणि क्रीडा समितीच्या सदस्यांची अधिकृत घोषणा करण्यात आली. या नवनियुक्त सदस्यांकडून शहराच्या सर्वांगीण विकासासाठी सकारात्मक कार्य होईल, असा विश्वास महापौरांनी यावेळी व्यक्त केला.

सभेच्या प्रारंभी पक्षीय बलाबलानुसार विविध राजकीय पक्षांच्या गटनेत्यांनी आपल्या प्रतिनिधींची नावे बंद लिफाफ्यात महापौर रवि लांडगे यांच्याकडे सुपूर्द केली. यामध्ये भाजपचे पक्षनेते प्रशांत शितोळे, राष्ट्रवादीचे गटनेते भाऊसाहेब भोईर आणि शिवसेनेचे गटनेते विश्वजित बारणे यांनी ही नावे सादर केली. त्यानंतर महापौरांनी ही नावे जाहीर करून निवडीवर शिक्कामोर्तब केले.

१. स्थायी समिती (महत्त्वाची आर्थिक समिती)

• भाजप: अभिषेक बारणे, शालिनी गुजर, मनिषा चिंचवडे, संदीप कस्पटे, सारीका गायकवाड, योगिता नागरगोजे, कृष्णा सुरकुले, शीतल वर्नेकर, अर्चना करांडे, मधुरा शिंदे, बाबासाहेब त्रिभुवन.

• राष्ट्रवादी: सविता आसवानी, संतोष कोकणे, संदीप वाघेरे, विकास साने.

• शिवसेना: सुलभा उबाळे.

२. विधी समिती

• भाजप: ज्ञानेश्वर जगताप, विनायक गायकवाड, कुंदा भिसे, सुजाता बोराटे, श्रुती डोळस, कुशाग्र कदम.

• राष्ट्रवादी: शेखर चिंचवडे, वर्षा जगताप, तुषार सहाणे.

३. शहर सुधारणा समिती

• भाजप: अर्चना सस्ते, विनोद नढे, कुणाल वाव्हळकर, संजय (नाना) काटे, सुहास कांबळे, उत्तमराव केंदळे.

• राष्ट्रवादी: डॉ. वैशाली घोडेकर-लोंढे, अनंत कोऱ्हाळे, वैशाली काळभोर.

४. क्रीडा, कला, साहित्य व सांस्कृतिक समिती

• भाजप: कैलास कुटे, शाम जगताप, तानाजी बारणे, धर्मपाल तंतरपाळे, उदय गायकवाड, योगेश लांडगे.

• राष्ट्रवादी: भाऊसाहेब भोईर, जितेंद्र ननावरे, प्रमोद कुटे.

५. शिक्षण समिती

• भाजप: पल्लवी वाल्हेकर, श्रुती वाकडकर, रविना आंगोळकर, कविता भोंगाळे, रीटा सानप, सारिका बोऱ्हाडे.

• राष्ट्रवादी: प्रियांका कुदळे, योगिता बारणे, यश साने.

६. महिला व बालकल्याण समिती

• भाजप: पल्लवी जगताप, नीता पाडाळे, रेश्मा भुजबळ, शिवानी नरळे, राणी पठारे, सुप्रिया चांदगुडे.

• राष्ट्रवादी: निकिता कदम, सारिका मासूळकर, मनिषा लांडे.

निवड प्रक्रियेनंतर महापौरांच्या हस्ते सर्व सदस्यांचा सत्कार करण्यात आला. यावेळी उपमहापौर शर्मिला बाबर, आयुक्त श्रावण हर्डीकर आणि विविध पक्षांचे पदाधिकारी उपस्थित होते. या समित्यांच्या निवडीमुळे आता महापालिकेतील रखडलेल्या अनेक धोरणात्मक निर्णयांना गती मिळणार आहे. आता या समित्यांचे सभापती कोण होणार, याकडे राजकीय वर्तुळाचे लक्ष लागले आहे.

© २०२६ मॅक्स मंथन डेली न्यूज. सर्व हक्क राखीव.