खासदार चंद्रकांत हंडोरे यांचा वाढदिवस अनाथ मुलांसोबत साजरा! भीम शक्ती संघटनेचा पुण्यात अनोखा सामाजिक उपक्रम
पुणे/पिंपरी प्रतिनिधी आकाश कांबळे , १३ मार्च २०२६ | मॅक्स मंथन डेली न्यूज:
पुणे : भीम शक्ती सामाजिक संघटनेचे संस्थापक अध्यक्ष आणि राज्यसभा खासदार मा. चंद्रकांतजी हंडोरे यांच्या वाढदिवसानिमित्त भपकेबाज उत्सवाला फाटा देऊन पुण्यात सामाजिक बांधिलकी जपणारा उपक्रम राबविण्यात आला. घोरपडी पेठ येथील ‘सेंट मायकेल हॉस्टेल’मधील अनाथ मुलांसोबत केक कापून आणि खाऊ वाटप करून हा वाढदिवस अत्यंत उत्साहात साजरा करण्यात आला.
‘द सोसायटी ऑफ सेंट व्हर्जिन इन इंडिया – सेट मायकेल हॉस्टेल’ येथे आयोजित या कार्यक्रमात संघटनेच्या पदाधिकाऱ्यांनी गरजू व अनाथ मुलांसोबत आनंदाचे क्षण व्यतीत केले. खासदार हंडोरे यांच्या सामाजिक कार्याचा वारसा पुढे नेण्यासाठी अशा उपक्रमांचे आयोजन करण्यात आल्याचे कार्यकर्त्यांनी यावेळी सांगितले.
या स्तुत्य उपक्रमाचे आयोजन भीम शक्ती संघटना पुणे शहराचे अध्यक्ष विजय हिंगे यांनी केले होते. याप्रसंगी संघटनेचे अनेक वरिष्ठ पदाधिकारी उपस्थित होते, ज्यात प्रामुख्याने: अंकुश सोनवणे (महाराष्ट्र प्रदेश उपाध्यक्ष), सुरज गायकवाड (पिंपरी चिंचवड शहर अध्यक्ष), अनिल अवसरमल (पुणे शहर सरचिटणीस), राजू रोकडे (पुणे शहर उपाध्यक्ष), प्रभाकर भिंगारे (पुणे कॅन्टोन्मेंट अध्यक्ष)
याव्यतिरिक्त आदित्य साखरे, अक्षय भोसले, अक्षय साबळे, शंकर साखरे, सर्जेराव सोनकांबळे आणि संघटनेचे अनेक कार्यकर्ते मोठ्या संख्येने उपस्थित होते.
केवळ राजकीय किंवा संघटनात्मक कामात न अडकता, समाजातील शेवटच्या घटकापर्यंत पोहोचून त्यांना मदत करणे हा भीम शक्ती संघटनेचा नेहमीच प्रयत्न राहिला आहे. वाढदिवसाच्या निमित्ताने अनाथ मुलांमध्ये खाऊ वाटप करून संघटनेने समाजात एक सकारात्मक संदेश दिला असून, या उपक्रमाचे सर्वत्र कौतुक होत आहे.
© २०२६ मॅक्स मंथन डेली न्यूज. सर्व हक्क राखीव।
