सावधान! रमजान ईदनिमित्त निगडी-चिंचवडमधील वाहतुकीत मोठे बदल; चाफेकर चौक परिसरातील ‘हे’ मार्ग राहतील बंद
पिंपरी चिंचवड प्रतिनिधी: बालाजी नवले, १८ मार्च २०२६ | मॅक्स मंथन ट्रॅफिक अपडेट:
चिंचवड : आगामी ‘रमजान ईद’निमित्त चिंचवड येथील चाफेकर चौक परिसरातील ईदगाह मैदानावर मोठ्या संख्येने नागरिक नमाज पठणासाठी एकत्र येतात. या पार्श्वभूमीवर, वाहतूक कोंडी टाळण्यासाठी आणि कायदा-सुव्यवस्थेच्या दृष्टीने निगडी वाहतूक विभागाच्या हद्दीत महत्त्वाचे बदल करण्यात आले आहेत.
पोलीस उपायुक्त विवेक पाटील यांनी याबाबतची अधिकृत अधिसूचना जारी केली असून, हे बदल चंद्र दर्शनानुसार दिनांक २१ मार्च २०२६ (एक दिवस मागे-पुढे) रोजी सकाळी ५:०० ते दुपारी १३:०० वाजेपर्यंत लागू राहतील.
१. मरिआई माता मंदिर ते चाफेकर चौक मार्ग:
-
बदल: या मार्गावर सर्व प्रकारच्या वाहनांना प्रवेशबंदी असेल.
-
पर्यायी मार्ग १: एस.के.एफ. कंपनीकडून डाव्या बाजूला वळून अहिंसा चौक मार्गे इच्छित स्थळी जाता येईल.
-
पर्यायी मार्ग २: मरिआई माता मंदिरापासून उजव्या बाजूला वळून ‘सेव्हन ऑरेंज हॉस्पिटल’च्या मागून मार्गस्थ व्हावे.
२. चाफेकर चौक ते मरिआई माता मंदिर मार्ग:
-
बदल: सर्व प्रकारच्या वाहतुकीस प्रवेश बंद.
-
पर्यायी मार्ग १: चाफेकर चौक (जुना जकात नाका) येथून उजवीकडे वळून सेव्हन ऑरेंज हॉस्पिटल मार्गे जाता येईल.
-
पर्यायी मार्ग २: चाफेकर चौकाकडून उजव्या बाजूला वळून अहिंसा चौक मार्गे इच्छित स्थळी जाता येईल.
३. मोरया नगर ते चाफेकर चौक मार्ग:
-
बदल: सर्व प्रकारच्या वाहतुकीस प्रवेश बंद.
-
पर्यायी मार्ग: हनुमान मंदिरापासून उजव्या बाजूला वळून सेव्हन ऑरेंज हॉस्पिटल मार्गे इच्छित स्थळी जाता येईल.
-
वरील सर्व निर्बंध अत्यावश्यक सेवेतील वाहनांना (रुग्णवाहिका, फायर ब्रिगेड इ.) लागू राहणार नाहीत.
-
चंद्र दर्शनानुसार तारखेत बदल झाल्यास हे आदेश त्या दिवशी लागू राहतील.
-
नागरिकांनी आणि वाहनचालकांनी या कालावधीत सहकार्य करावे आणि प्रशासनाने सुचवलेल्या पर्यायी मार्गांचा वापर करावा.
© २०२६ मॅक्स मंथन डेली न्यूज. सर्व हक्क राखीव।
