पिंपरी चिंचवड महानगरपालिकेत आज महाराष्ट्र दिन मोठ्या उत्साहात साजरा करण्यात आला. प्रभारी आयुक्त प्रदीप जांभळे पाटील यांच्या हस्ते मुख्य प्रशासकीय इमारतीच्या प्रांगणात ध्वजारोहण संपन्न झाले.
आजचा दिवस, म्हणजेच १ मे, केवळ पिंपरी चिंचवड महानगरपालिकेसाठीच नव्हे, तर संपूर्ण महाराष्ट्रासाठी आणि जगातील कामगारांसाठी अत्यंत महत्त्वाचा आहे. आज आपण एकाच वेळी तीन महत्त्वाचे दिवस साजरे करत आहोत:
- महाराष्ट्र दिन: याच दिवशी, १ मे १९६० रोजी, मुंबई राज्याचे विभाजन होऊन महाराष्ट्र राज्याची स्थापना झाली. त्यामुळे हा दिवस प्रत्येक मराठी माणसासाठी गौरवाचा आणि अस्मितेचा आहे.
- कामगार दिन (जागतिक कामगार दिन): जगभरातील कामगारवर्गाच्या योगदानाला आणि त्यांच्या हक्कांसाठी झालेल्या संघर्षाला आदराने स्मरण करण्याचा हा दिवस आहे. १८८६ मध्ये अमेरिकेमध्ये आठ तासांच्या कामाच्या मागणीसाठी झालेल्या ऐतिहासिक आंदोलनाच्या स्मरणार्थ हा दिवस साजरा केला जातो.
- मराठी राजभाषा दिन: महाराष्ट्राची राजभाषा असलेल्या मराठी भाषेचा गौरव करण्याचा आणि तिचा प्रसार करण्याच्या संकल्पाचा हा दिवस आहे.
या महत्त्वपूर्ण दिनांच्या पार्श्वभूमीवर, पिंपरी चिंचवड महापालिकेने महाराष्ट्र राज्याच्या स्थापनेचा ६५ वा वर्धापन दिन तसेच कामगार दिन आणि मराठी राजभाषा दिन मोठ्या उत्साहात साजरा केला. प्रभारी आयुक्त प्रदीप जांभळे पाटील यांनी यावेळी बोलताना शहरवासीयांना या तिन्ही दिवसांच्या मनःपूर्वक शुभेच्छा दिल्या.
या कार्यक्रमाला अतिरिक्त आयुक्त तृप्ती सांडभोर, मुख्य लेखा परीक्षक प्रमोद भोसले, शहर अभियंता मकरंद निकम, आरोग्य वैद्यकीय अधिकारी डॉ. लक्ष्मण गोफणे, यशवंतराव चव्हाण स्मृती रुग्णालयाचे अधिष्ठाता डॉ. राजेंद्र वाबळे, सह शहर अभियंता संजय खाबडे, नितीन देशमुख, उप आयुक्त विठ्ठल जोशी, आण्णा बोदडे, प्रदीप ठेंगल, पंकज पाटील, मनोज लोणकर, संदीप खोत, राजेश आगळे, सहाय्यक आयुक्त अविनाथ शिंदे, उमेश ढाकणे, निवेदिता घारगे, अतिरिक्त आरोग्य वैद्यकीय अधिकारी डॉ. अभयचंद्र दादेवार, मुख्य सुरक्षा अधिकारी उदय जरांडे, विशेष अधिकारी किरण गायकवाड, जनता संपर्क अधिकारी प्रफुल्ल पुराणिक, मुख्य आपत्ती व्यवस्थापन अधिकारी ओमप्रकाश बहिवाल यांच्यासह विविध विभागातील महापालिकेचे कर्मचारी आणि अनेक नागरिक मोठ्या संख्येने उपस्थित होते.
