💡 नव तंत्रज्ञान आत्मसात करा, समाजाचे प्रश्न सोडवा! – ज्येष्ठ लेखक अच्युत गोडबोले यांचे आवाहन
मध्ये प्रथम वर्षाच्या विद्यार्थ्यांचे उत्साहात स्वागत; च्या पदाधिकाऱ्यांचे मार्गदर्शन
पिंपरी प्रतिनिधी शाम सोनवणे, मॅक्स मंथन डेली न्यूज:
विज्ञान आणि तंत्रज्ञानामध्ये प्रचंड वेगाने बदल होत आहेत. अवघ्या काही महिन्यांत नवनवीन तंत्रज्ञान विकसित होत असल्याने विद्यार्थ्यांनी ते आत्मसात करण्याचे प्रयत्न केले पाहिजेत; तरच भविष्यात आश्वासक प्रगती साध्य करता येईल, असे महत्त्वपूर्ण मार्गदर्शन ज्येष्ठ तंत्रज्ञ, मार्गदर्शक आणि लेखक अच्युत गोडबोले यांनी केले. तसेच, मिळवलेल्या ज्ञानाचा उपयोग समाजाच्या विविध स्तरातील प्रश्न सोडवण्यासाठी केला पाहिजे, असे मत त्यांनी व्यक्त केले.
पिंपरी चिंचवड एज्युकेशन ट्रस्टच्या () रावेत येथील पिंपरी चिंचवड कॉलेज ऑफ इंजिनिअरिंग अँड रिसर्च () येथे या शैक्षणिक वर्षात बी. टेक. प्रथम वर्षाच्या विद्यार्थ्यांच्या स्वागत समारंभात ते बोलत होते.
यश आणि मूल्यांचे महत्त्व
यावेळी ट्रेनिंग ॲन्ड प्लेसमेंट विभागाचे अधिष्ठाता डॉ. शीतलकुमार रवंदळे यांनी विद्यार्थ्यांना शिस्त, सातत्यपूर्ण ज्ञानार्जन, नवकल्पना आणि नैतिक मूल्ये जपण्याचा सल्ला दिला. विद्यार्थ्यांनी केवळ शैक्षणिक यश मिळवून न थांबता, समाजासाठी जबाबदार अभियंता बनण्याचे आवाहन त्यांनी केले.
चे संचालक डॉ. हरीश तिवारी यांनी शिस्तबद्ध अभ्यास, कौशल्य विकास आणि करिअरच्या संधींबाबत विद्यार्थ्यांना मार्गदर्शन केले. याप्रसंगी प्रथम वर्षात विशेष नैपुण्य प्राप्त विद्यार्थ्यांचा गौरव करण्यात आला.
यानंतरच्या सत्रात प्रा. विजयकुमार जंगम शेट्टी, संग्राम निर्मळे आणि माजी विद्यार्थिनी कविता बाळीवाडा, सुहानी चालमेती यांनीही विद्यार्थ्यांना मार्गदर्शन केले. विद्यार्थ्यांच्या सोबत पालकांसाठी विशेष संवाद सत्रही आयोजित करण्यात आले होते.
स्वागत प्रा. शीतल पाटील यांनी केले, तर आभार प्रा. प्रिया ओघे यांनी मानले.
आयोजन आणि नेतृत्व
हा स्वागत समारंभ चे अध्यक्ष ज्ञानेश्वर लांडगे, उपाध्यक्षा पद्माताई भोसले, सचिव विठ्ठल काळभोर, खजिनदार शांताराम गराडे, विश्वस्त तथा चे कुलपती हर्षवर्धन पाटील, उद्योजक नरेंद्र लांडगे, अजिंक्य काळभोर आणि कार्यकारी संचालक डॉ. गिरीश देसाई यांच्या मार्गदर्शनाखाली आयोजित करण्यात आला होता.
© मॅक्स मंथन डेली न्यूज. सर्व हक्क राखीव.
