ज्ञानोत्सवाने उजळला पिंपरी-चिंचवड! – जयंतीनिमित्त ‘वाचन प्रेरणा दिन’ उत्साहात
आयटीआयच्या विद्यार्थ्यांनी द्वारे हजारो मित्रांना दिला वाचनाचा संदेश; कवी अशोक गायकवाड यांच्या कवितांनी रंगत
पिंपरी, प्रतिनिधी बालाजी नवले, दि. १५ ऑक्टोबर २०२५, मॅक्स मंथन डेली न्यूज:
ज्ञान, विज्ञान आणि प्रेरणेचा दीप प्रज्वलित करणारे थोर शास्त्रज्ञ, भारतरत्न, माजी राष्ट्रपती डॉ. ए. पी. जे. अब्दुल कलाम यांच्या जयंतीनिमित्त पिंपरी चिंचवड महापालिकेतर्फे ‘वाचन प्रेरणा दिन’ उत्साहात साजरा करण्यात आला. मोरवाडी येथील औद्योगिक प्रशिक्षण संस्थेच्या () प्रांगणात पार पडलेल्या या कार्यक्रमातून वाचन संस्कृतीचा प्रभावीपणे प्रचार आणि प्रसार करण्यात आला.
महापालिकेच्या अतिरिक्त आयुक्त तृप्ती सांडभोर यांच्या मार्गदर्शनाखाली आणि विशेष अधिकारी किरण गायकवाड यांच्या अधिपत्याखाली हा कार्यक्रम पार पडला.
वाचन संस्कृतीसाठी अभिनव उपक्रम
विद्यार्थी आणि नागरिकांमध्ये वाचनाची आवड निर्माण व्हावी यासाठी विविध उपक्रम राबविण्यात आले:
- सोशल मीडिया संदेश: औद्योगिक प्रशिक्षण संस्थेतील विद्यार्थ्यांनी द्वारे हजारो मित्रांना वाचनाचा संदेश पाठवला.
- विविध उपक्रम: ‘कविसंमेलन’, ‘मराठी वाचन कट्टा – डिजिटल वाचनाची नवी दिशा’, ‘मराठी साहित्याचे डिजिटल प्रसारण’ आणि ‘विकिपीडियावर मराठी लेखन वाढविण्यासाठी कार्यशाळा’ असे उपक्रम पार पडले.
- कविसंमेलन: सुप्रसिद्ध कवी अशोक गायकवाड यांनी ‘परी सारखी दिसायची तू…’ आणि ‘कळे ना कसा हा जगावेगळा मी…’ अशा भावस्पर्शी कविता सादर करत उपस्थितांना मंत्रमुग्ध केले. त्यांनी वाचनामुळे दृष्टिकोन कसा व्यापक होतो, हे समजावून सांगितले.
- किरण गायकवाड (मराठी भाषा समन्वय अधिकारी): वाचन म्हणजे केवळ पुस्तकांचे नव्हे, तर आजूबाजूची माणसे वाचता आली पाहिजेत. स्वतःच्या सामर्थ्याच्या बळावर यश मिळवण्यासाठी वाचन दिनासारखे उपक्रम महत्त्वाचे आहेत, असे त्यांनी सांगितले.
- प्रफुल्ल पुराणिक (जनता संपर्क अधिकारी): वाचन ही केवळ सवय नसून ती व्यक्तिमत्त्व घडविण्याची दिशा आहे. ज्ञानाचा शोध घेण्यासाठी वाचनासारखा दुसरा प्रभावी मार्ग नाही. डॉ. कलाम यांच्या स्वप्नपूर्तीसाठी वाचन हा पहिला टप्पा आहे, असे मत त्यांनी व्यक्त केले.
- प्राचार्य शशिकांत पाटील: यांनी प्रास्ताविकात वाचनाचे महत्त्व आणि डॉ. कलाम यांच्या विचारांची प्रेरणा विद्यार्थ्यांपर्यंत पोहोचवली.
‘स्वच्छतेची शपथ’
डॉ. कलाम यांच्या जयंतीनिमित्त आयोजित या कार्यक्रमात उपस्थितांनी ‘स्वच्छतेची शपथ’ घेतली. आठवड्यातून दोन तास, म्हणजेच वर्षातील तास भारतभूमी स्वच्छ ठेवण्यासाठी प्रामाणिकपणे देण्याची आणि इतरांनाही प्रोत्साहित करण्याची प्रतिज्ञा यावेळी करण्यात आली. प्रफुल्ल पुराणिक यांनी शपथेचे वाचन केले.
ग्रंथालयांमध्येही उपक्रम: महापालिकेअंतर्गत सर्व स्पर्धा परीक्षा केंद्रे व सार्वजनिक ग्रंथालयांमध्ये वाचन सत्र, पुस्तक प्रदर्शन तसेच प्रेरणादायी साहित्याचे वाचन या उपक्रमांचे आयोजन करण्यात आले होते.
यावेळी उज्ज्वला साटकर, जीवन ढेकळे, योगिता कोथावले यांनी विविध कवितांचे सादरीकरण केले. कार्यक्रमाचे प्रास्ताविक करताना प्राचार्य शशिकांत पाटील यांनी वाचनाचे महत्त्व, डॉ. ए. पी. जे. अब्दुल कलाम यांच्या विचारांची प्रेरणा आणि ज्ञानप्रकाशाचा संदेश विद्यार्थ्यांपर्यंत पोहोचवला. सूत्रसंचालन निलेश लांडगे यांनी केले.
© मॅक्स मंथन डेली न्यूज. सर्व हक्क राखीव.
