गांधीनगर-खराळवाडीचा १८ वर्षांचा ‘वनवास’ आता संपणार! ‘बाहेरचा’ उमेदवार नाही; फक्त ‘स्थानिक भूमिपुत्र’च!

ऐतिहासिक बैठकीत सर्वपक्षीय इच्छुकांचा अभेद्य निर्धार; ‘NOTA’ वापरू, पण उपेक्षा करणाऱ्यांना मतदान नाही!

पिंपरी प्रतिनिधी शाम सोनवणे, दि.२० नोव्हेंबर २०२५, मॅक्स मंथन डेली न्यूज: 

पिंपरी-चिंचवड महानगरपालिकेच्या प्रभाग क्रमांक ९ (गांधीनगर-खराळवाडी) मधील नागरिकांच्या सहनशीलतेचा कडेलोट झाला आहे. गेल्या तब्बल १८ वर्षांपासून ‘बाहेरच्या’ नगरसेवकांमुळे हा प्रभाग विकासापासून कोसभर दूर राहिल्याचा संतप्त आरोप करत, परिसरातील नागरिकांनी आज, १९ नोव्हेंबर २०२५ रोजी भीमसृष्टी, पिंपरी चौक येथे ऐतिहासिक निर्णायक बैठक घेतली. या बैठकीत सर्वपक्षीय इच्छुक उमेदवार, धडाडीचे सामाजिक कार्यकर्ते आणि संतप्त नागरिकांनी ‘फक्त स्थानिक’ उमेदवारालाच पाठिंबा देण्याचा एकमुखी आणि अभेद्य निर्धार केला आहे!

यावेळी नागरिकांनी आपल्या ज्वलंत समस्यांचा पाढा वाचला, ज्या सोडवण्यात बिगर-स्थानिक लोकप्रतिनिधी पूर्णपणे अपयशी ठरले:

या ज्वलंत समस्यांवरून हे स्पष्ट झाले की, ‘स्थानिक उमेदवारच’ या मातीतील वेदना ओळखतो आणि तोच त्वरित न्याय देऊ शकतो. त्यामुळे बैठकीत खालीलप्रमाणे अंतिम आणि अपरिवर्तनीय ठराव सर्वानुमते संमत करण्यात आला:

“सर्व राजकीय पक्षांनी कान उघडून ऐकावे! – प्रभाग क्र. ९ (अनुसूचित जाती राखीव जागेसाठी) मधून फक्त आणि फक्त ‘स्थानिक भूमिपुत्रालाच’ तिकीट द्यावे. जर कोणत्याही पक्षाने जाणूनबुजून ‘बाहेरील’ (परप्रांतीय/बिगर-स्थानिक) उमेदवार उभा करण्याचा दुस्साहस केला, तर गांधीनगर-खराळवाडी परिसरातील मतदार त्या उमेदवाराला ‘एकही’ मत देणार नाहीत. आम्ही ‘नोटा’ (NOTA) वापरू, पण बाहेरच्याला मतदान करणार नाही!”

हा ठराव सर्वपक्षीय इच्छुक, महिला बचत गट, युवक मंडळे, सामाजिक संघटना व प्रभागातील प्रत्येक नागरिकाने शपथपूर्वक आणि दृढपणे संमत केला आहे. ‘हा इशारा आहे! ही भूमिका नाही!’ असे गांधीनगर-खराळवाडी कृती समितीने (सर्वपक्षीय नागरिक व इच्छुक उमेदवार) ठामपणे सांगितले आहे.

जय भीम! जय महाराष्ट्र! आता फक्त स्थानिक – बाहेरचा नाही! गांधीनगर-खराळवाडीत ‘स्थानिक’ विकासाचा नवा सूर्य उगवणार!

© २०२५ मॅक्स मंथन डेली न्यूज. सर्व हक्क राखीव.