बाळासाहेबांचे प्रेम आणि कार्याची प्रेरणा! स्मृतिदिनानिमित्त भव्य रक्तदान शिबिराला प्रचंड प्रतिसाद

२४९ रक्तदात्यांनी केले रक्तदान; मोफत आरोग्य तपासणी शिबिराचा शेकडो नागरिकांनी घेतला लाभ!

पिंपरी चिंचवड प्रतिनिधी बालाजी नवले, दि. २० नोव्हेंबर २०२५, मॅक्स मंथन डेली न्यूज:

हिंदुहृदयसम्राट बाळासाहेब ठाकरे यांच्या स्मृतिदिनानिमित्त पिंपरी-चिंचवड शहरात त्यांच्या कार्याची आणि विचारांची मशाल तेवत ठेवत भव्य आरोग्य आणि रक्तदान शिबिराचे आयोजन करण्यात आले होते. या शिबिराला प्रभाग क्रमांक १४ (दत्तवाडी, मोहन नगर, काळभोर नगर, चिंचवड स्टेशन, रामनगर) मधील नागरिकांनी उत्स्फूर्त प्रतिसाद देत बाळासाहेबांवरील आपले प्रेम आणि निष्ठा व्यक्त केली.

शिवसेना युवासेना पि. चि. उपशहरप्रमुख निखिल दळवी यांनी आयोजित केलेल्या या शिबिरामध्ये रक्तदान शिबिर, मोफत रक्त तपासणी, मोफत डोळे तपासणी, मोफत बॉडी फॅट चेकअप आणि मोफत कांस्य मशीन मसाज यासारख्या आरोग्य सेवांचा समावेश होता.

बाळासाहेब ठाकरे म्हणजे केवळ एक राजकीय नेते नव्हते; ते त्यांच्या निष्ठावान शिवसैनिकांसाठी एक कुटुंबप्रमुख होते. त्यांच्या आयुष्यातील प्रत्येक शिवसैनिक हा त्यांना आपला मुलगा किंवा बंधू समान वाटत असे. त्यांची सर्वात मोठी ताकद म्हणजे कार्यकर्त्यांवर त्यांचा असलेला अतुट विश्वास आणि प्रेम. ते नेहमी म्हणायचे, “शिवसैनिक हा माझा जीव आहे, तो जिथे उभा राहील, तिथे सत्ता उभी राहील.” कार्यकर्त्यांच्या सुख-दुःखात ते खंबीरपणे उभे राहिले आणि म्हणूनच, आजही त्यांचा स्मृतिदिन केवळ औपचारिकता न राहता, त्यांच्या विचारांवर चालण्याची आणि जनसेवा करण्याची प्रेरणा देतो. आजच्या शिबिराच्या माध्यमातून याच लोकसेवेच्या कार्याला कार्यकर्त्यांनी पुढे नेले.

या भव्य शिबिरास नागरिकांनी मोठा प्रतिसाद दिला:

• रक्तदान: तब्बल २४९ रक्तदात्यांनी रक्तदान केले.

• डोळे तपासणी: १८० नागरिकांनी डोळे तपासणी व मोतीबिंदू शस्त्रक्रिया तपासणी केली.

• रक्त तपासणी: १६५ नागरिकांनी आपले रक्त तपासून घेतले.

• बॉडी फॅट चेकअप: २९५ नागरिकांनी मशीनद्वारे बॉडी फॅट तपासणी करून घेतली.

• कांस्य थाळी मसाज: ३०५ नागरिकांनी मोफत आयुर्वेदिक कांस्य थाळी मसाज करण्याचा लाभ घेतला.

यावेळी आयोजित कार्य अहवाल प्रकाशन सोहळ्यामुळे या सर्व कार्यक्रमांना एक वेगळी उंची प्राप्त झाली.

या कार्यक्रमाचे उद्घाटन शिवसेना संघटक वसंत मोरे व माजी आमदार जिल्हाप्रमुख गौतमजी चाबुकस्वार यांच्या हस्ते करण्यात आले.

यावेळी शहरप्रमुख संजोग वाघेरे पाटील, माजी नगरसेविका उर्मिला काळभोर, माजी नगरसेवक प्रसाद शेट्टी, माजी नगरसेवक मारुतीराव भापकर, पुणे जिल्हा महिला संपर्कप्रमुख लतिकाताई पाष्टे, पुणे जिल्हा समन्वयक सुशीला पवार, शहर संघटिका रूपालीताई आल्हाट, सामाजिक कार्यकर्ते विशाल यादव, सामाजिक कार्यकर्त्या दीपा महेश काटे, उपशहर प्रमुख अमोल निकम, सुदाम परब, विजय गुप्ता, अजय लड्डा, निलेश शिंदे, युवा नेते अजय काळभोर, डॉ वैशाली कुलते, वैभवी घोडके, सुषमा शेलार, तस्मिन शेख, योगिनी मोहन, वैशाली काटकर, दीप्ती काळभोर, आयुष निंबाळकर, बाबासाहेब भोंडवे, सतीश मरळ, संतोष पाचपुते, योगिता केके कांबळे, अक्रम शेख, बाबाजी भोंडवे, शदाब खान, पंकज चोपदार, शिवराज रणनवरे, राजू थोरात, संभाजी सूर्यवंशी, प्रसाद बनसोडे, शुभम वायकर, संदेश जगताप, रोहित सोनवणे, राजीव मेनन आदींची प्रमुख उपस्थिती होती.

कार्यक्रमाचे यशस्वी संयोजन सोमनाथ दादा काळभोर, गोविंदराव शिंदे, ऋषिकेश घोरपडे, कृष्णा माने, किशोर शिंदे आणि ऋषिकेश कडव यांनी केले.

© २०२५ मॅक्स मंथन डेली न्यूज. सर्व हक्क राखीव.