पिंपरी-चिंचवड पोलिसांचा गुन्हेगारांवर दरारा! नोव्हेंबरमध्ये ८ सराईत गुन्हेगार तडीपार; वर्षभरात एकूण ६३ जणांना ठोकला इंगा

पोलीस आयुक्त विनयकुमार चौबे यांचे गुन्हेगारी वृत्तीला आळा घालण्यासाठी कठोर आदेश; तडीपार गुन्हेगार जिल्ह्यात आढळल्यास त्वरित माहिती देण्याचे आवाहन

पिंपरी चिंचवड प्रतिनिधी बालाजी नवले, दि.२० डिसेंबर २०२५, मॅक्स मंथन डेली न्यूज:

पिंपरी-चिंचवड (दि. १८ डिसेंबर २०२५): पिंपरी-चिंचवड पोलीस आयुक्तालय क्षेत्रात गुन्हेगारी वृत्तीला आळा घालण्यासाठी आणि शांतता सुव्यवस्था राखण्यासाठी पोलीस प्रशासनाने मोठी कारवाई केली आहे. रेकॉर्डवरील सराईत गुन्हेगारांवर ठोस आणि परिणामकारक प्रतिबंधात्मक कारवाई करण्याच्या हेतूने नोव्हेंबर २०२५ या महिन्यात एकूण ०८ सराईत गुन्हेगारांना तडीपार करण्याचे आदेश देण्यात आले आहेत.

पोलीस उप-आयुक्त (परिमंडळ-१) संदीप आटोळे यांनी दिलेल्या माहितीनुसार, महाराष्ट्र पोलीस अधिनियम १९५१ च्या कलम ५५, ५६ व ५७ नुसार खालील गुन्हेगारांवर हद्दपारीची कारवाई करण्यात आली आहे:

पोलीस आयुक्त विनयकुमार चौबे, सह-पोलीस आयुक्त शशिकांत महावरकर आणि अपर पोलीस आयुक्त सारंग आव्हाड यांच्या मार्गदर्शनाखाली जानेवारी २०२५ पासून आतापर्यंत एकूण ६३ गुन्हेगारांना तडीपार करण्यात आले आहे. याशिवाय, शहरातील १०० हून अधिक संशयित आणि सराईत गुन्हेगारांच्या हालचालींवर पोलीस प्रशासन बारकाईने लक्ष ठेवून आहे.

हद्दपार करण्यात आलेले हे सर्व गुन्हेगार २० ते २७ वयोगटातील असून त्यांच्यावर गंभीर गुन्हे दाखल आहेत. जर हे गुन्हेगार त्यांच्या तडीपारीच्या कालावधीत पुणे जिल्हा किंवा आयुक्तालय क्षेत्रात दिसून आले, तर नागरिकांनी त्वरित नियंत्रण कक्ष क्र. ११२ किंवा जवळच्या पोलीस ठाण्याशी संपर्क साधावा, असे आवाहन पोलीस उप-आयुक्त संदीप आटोळे यांनी केले आहे.

© २०२५ मॅक्स मंथन डेली न्यूज. सर्व हक्क राखीव.