२५ जानेवारीला चिंचवडमध्ये रंगणार ‘जागतिक सूर्यनमस्कार महोत्सव’; महापालिका आणि आशाकिरण फाउंडेशनचा संयुक्त उपक्रम

पिंपरी-चिंचवड,प्रतिनिधी बालाजी नवले, २० जानेवारी २०२६ | मॅक्स मंथन डेली न्यूज

पिंपरी : विद्यार्थ्यांमध्ये योगसाधना, शारीरिक स्वास्थ्य आणि शिस्तबद्ध जीवनशैलीचा संस्कार रुजवण्यासाठी पिंपरी-चिंचवड महानगरपालिका आणि आशाकिरण सोशल फाउंडेशन यांच्या वतीने १२ व्या जागतिक सूर्यनमस्कार महोत्सवाचे आयोजन करण्यात आले आहे. रविवार, २५ जानेवारी २०२६ रोजी सकाळी ७.३० वाजता चिंचवडगाव येथील मोरया गोसावी क्रीडांगणावर हा भव्य उपक्रम पार पडणार आहे.

महापालिका आयुक्त श्रावण हर्डीकर, अतिरिक्त आयुक्त विजयकुमार खोराटे, तृप्ती सांडभोर, विक्रांत बगाडे यांच्या मार्गदर्शनाखाली हा महोत्सव होत आहे. उपायुक्त पंकज पाटील आणि ममता शिंदे यांच्या अधिपत्याखाली होणाऱ्या या महोत्सवात महापालिका शाळांसह खासगी शाळांमधील इयत्ता पाचवी ते नववीचे विद्यार्थी मोठ्या संख्येने सहभागी होणार आहेत. या महोत्सवाला राजकीय क्षेत्रातील मान्यवर आणि सामाजिक कार्यकर्तेही उपस्थित राहून विद्यार्थ्यांचा उत्साह वाढवणार आहेत.

महोत्सवात सहभागी होण्यासाठी २२ जानेवारी ते २४ जानेवारी २०२६ या कालावधीत नावनोंदणी करणे आवश्यक आहे.

• प्रत्यक्ष नोंदणी: मोरया गोसावी क्रीडांगण, केशवनगर, चिंचवडगाव येथे दररोज सायंकाळी ४.०० ते ६.०० या वेळेत.

• ऑनलाईन नोंदणी: ९४२२२३१५६९ या व्हॉट्सअ‍ॅप क्रमांकावर संपर्क साधून आपली नावनोंदणी पूर्ण करता येईल.

२५ जानेवारी रोजी सकाळी ७.३० वाजता मुख्य सोहळ्याला सुरुवात होणार आहे. जास्तीत जास्त विद्यार्थ्यांनी आणि पालकांनी या आरोग्यदायी उपक्रमाचा लाभ घ्यावा, असे आवाहन आयोजकांमार्फत करण्यात आले आहे.

© २०२६ मॅक्स मंथन डेली न्यूज. सर्व हक्क राखीव.