आषाढी वारी पालखी सोहळ्यासाठी पिंपरी-चिंचवड महापालिका सज्ज! ७० हून अधिक वरिष्ठ अधिकारी व देवस्थान विश्वस्तांच्या उपस्थितीत पार पडली भव्य नियोजन बैठक
पिंपरी चिंचवड प्रतिनिधी लक्ष्मण प्रधान, १७ जून २०२६ मॅक्स मंथन डेली न्यूज:
पिंपरी: अखंड महाराष्ट्राचे आराध्य दैवत आणि वारकरी संप्रदायाचा प्राण असलेल्या संतश्रेष्ठ ज्ञानेश्वर महाराज आणि जगद्गुरू संत तुकाराम महाराज आषाढी वारी पालखी सोहळ्याचे पिंपरी-चिंचवड औद्योगिकनगरीत लवकरच आगमन होत आहे. या ऐतिहासिक सोहळ्याच्या पार्श्वभूमीवर वारकरी भाविकांना सुरक्षित, स्वच्छ आणि सुविधायुक्त वातावरण उपलब्ध करून देण्यासाठी पिंपरी-चिंचवड महानगरपालिकेत एक अत्यंत महत्त्वाची व व्यापक नियोजन आढावा बैठक पार पडली. “आषाढी वारी हा आपल्या राज्याच्या सांस्कृतिक आणि आध्यात्मिक परंपरेचा सर्वात महत्त्वाचा मानबिंदू आहे. त्यामुळे पालखी मार्गावरील सर्व यंत्रणांनी आपापली तयारी वेळेत पूर्ण करावी आणि वारकऱ्यांना कोणतीही अडचण निर्माण होणार नाही याची १०० टक्के दक्षता घ्यावी,” असे निर्देश या बैठकीत देण्यात आले.
या उच्चस्तरीय बैठकीमध्ये पालखी मार्गावरील वाहतूक व्यवस्थापन, सुरक्षा व्यवस्था, स्वच्छता, तात्कालिक आरोग्य सुविधा, आपत्कालीन सेवा आणि महामेट्रोच्या कामांच्या जागेवरील सुरक्षिततेबाबत सविस्तर व धोरणात्मक चर्चा करण्यात आली.
महानगरपालिकेच्या वतीने पालखी सोहळ्यादरम्यान वारकरी भाविकांना पिण्याचे शुद्ध पाणी, चोवीस तास स्वच्छता, तात्पुरती शौचालये, विनामूल्य आरोग्य सेवा, अखंड वीज पुरवठा आणि चोख सुरक्षा व्यवस्था पुरवण्यासाठी प्रशासनाकडून सर्वंकष तयारी करण्यात आली आहे. पालखी मुक्कामाच्या ठिकाणी आणि विसाव्याच्या जागी विशेष वैद्यकीय पथके आणि औषध साठा सज्ज ठेवण्याचे आदेश देण्यात आले आहेत.
या अत्यंत महत्त्वाच्या आणि ऐतिहासिक बैठकीला शहरातील सर्वच विभागांचे प्रमुख, पोलीस अधिकारी, मेट्रोचे अधिकारी आणि दोन्ही देवस्थानचे प्रमुख विश्वस्त उपस्थित होते. महापौर रवि लांडगे, उपमहापौर शर्मिला बाबर, स्थायी समिती सभापती अभिषेक बारणे, सत्तारूढ पक्षनेते प्रशांत शितोळे, शहर सुधारणा समिती सभापती संजय काटे, महिला व बालकल्याण समिती सभापती राणी पठारे, विधी समिती सभापती सुजाता बोराटे, नगरसदस्य बापू घोलप आणि उत्तम केंदळे, मनपा आयुक्त डॉ. विजय सूर्यवंशी, अतिरिक्त आयुक्त कुलदीप जंगम, अतिरिक्त आयुक्त तृप्ती सांडभोर, अतिरिक्त आयुक्त विक्रांत बगाडे, सह आयुक्त मनोज लोणकर, सहशहर अभियंता अनिलल भालसाखळे, सहशहर अभियंता महेश कावळे, उप आयुक्त अण्णा बोदडे, उप आयुक्त प्रदीप ठेंगल, उप आयुक्त अतुल पाटील, उप आयुक्त व्यंकटेश दुर्वास, उप आयुक्त ममता शिंदे, उप आयुक्त राजेश आगळे, उप आयुक्त चेतना केरूरे, मुख्य उद्यान अधीक्षक महेश गारगोटे, विशेष अधिकारी किरण गायकवाड, जनता संपर्क अधिकारी प्रफुल्ल पुराणिक आणि मुख्य आपत्ती व्यवस्थापन अधिकारी ओमप्रकाश बहिवाल, क्षेत्रीय अधिकारी निवेदिता घार्गे, क्षेत्रीय अधिकारी परशुराम वाघमोडे, क्षेत्रीय अधिकारी अजिंक्य येळे, क्षेत्रीय अधिकारी पूजा दुधनाळे, क्षेत्रीय अधिकारी अश्विनी गायकवाड आणि सहाय्यक आयुक्त उमा दर्वेश, पोलीस उप आयुक्त विक्रांत देशमुख, पोलीस उप आयुक्त धिरज पाटील, मुख्य सुरक्षा अधिकारी उदय जरांडे, सहाय्यक पोलीस आयुक्त सतिश नांदुरकर, वरिष्ठ पोलीस निरीक्षक नितीन लांडगे, वरिष्ठ पोलीस निरीक्षक महेश बनसोडे, वरिष्ठ पोलीस निरीक्षक विनोद पाटील, वरिष्ठ पोलीस निरीक्षक वर्षाराणी पाटील, वरिष्ठ पोलीस निरीक्षक गोरख कुंभार, वरिष्ठ पोलीस निरीक्षक प्रमोद वाघ, सहाय्यक पोलीस निरीक्षक आदिनाथ महानवर, सहाय्यक पोलीस निरीक्षक ज्ञानेश्वर धनगर आणि मोटार वाहन निरीक्षक विजय चौधरी, महामेट्रोचे अधिकारी चीफ डेव्हलपमेंट मॅनेजर संदीप दुबे आणि चीफ रेसिडेंट इंजिनीअर यतेंद्र कुलकर्णी, देहू संस्थान विश्वस्त ह. भ. प. उमेश मोरे, आळंदी संस्थान विश्वस्त ॲड. रोहिणी पवार, चैतन्य कबीर महाराज आणि ज्ञानेश्वर महाराज पालखी सोहळा प्रमुख ऍड. राजेंद्र उमाप यांच्यासह महावितरण आणि संबंधित इतर शासकीय विभागांचे अधिकारी व कर्मचारी मोठ्या संख्येने उपस्थित होते.
आषाढी वारी पालखी सोहळा हा महाराष्ट्राच्या सांस्कृतिक आणि आध्यात्मिक परंपरेचा सुवर्ण इतिहास आहे. आपल्या शहरात येणाऱ्या लाखो वारकरी भाविकांना सुरक्षित, स्वच्छ आणि सर्व आवश्यक मूलभूत सुविधा उपलब्ध करून देण्यासाठी पिंपरी-चिंचवड महानगरपालिका पूर्णपणे सज्ज आहे. सर्व विभागांच्या अत्यंत सूक्ष्म आणि नियोजनबद्ध समन्वयातून आम्ही हा सोहळा यशस्वी आणि आनंददायी करून दाखवू. — रवि लांडगे (महापौर, पिंपरी चिंचवड महानगरपालिका)
पालखी सोहळ्यादरम्यान वारकरी भाविकांना कोणतीही अडचण येऊ नये यासाठी वाहतूक नियंत्रण, स्वच्छता मोहीम, चोवीस तास आरोग्य सेवा आणि पोलीस सुरक्षा व्यवस्थेचे अत्यंत चोख नियोजन करण्यात आले आहे. सर्व यंत्रणांच्या संयुक्त समन्वयातून हा सोहळा अत्यंत सुरळीत आणि सुरक्षित पार पाडण्यासाठी संपूर्ण मनपा प्रशासन कटिबद्ध आहे. — डॉ. विजय सूर्यवंशी (आयुक्त, पिंपरी चिंचवड महानगरपालिका)
© २०२६ मॅक्स मंथन डेली न्यूज. सर्व हक्क राखीव.
