चार-बिन कचरा विलगीकरणातून प्रक्रिया अन् पुनर्वापराला मिळणार गती; पिंपरी-चिंचवड महापालिकेकडून व्यापक जनजागृती!

पिंपरी चिंचवड प्रतिनिधी आकाश कांबळे, दि. १० ऑगस्ट २०२६ मॅक्स मंथन डेली न्यूज:

“कचरा व्यवस्थापनाच्या संपूर्ण प्रक्रियेत मूळ स्तरावरील विलगीकरण हा सर्वात महत्त्वाचा टप्पा आहे. घरातूनच कचरा स्वतंत्र केल्यास त्याची पुढील प्रक्रिया अधिक सुलभ आणि शास्त्रीय पद्धतीने करता येते. त्यामुळे नागरिकांनी चार-बिन पद्धतीचा अवलंब करून महापालिकेस सहकार्य करावे.”

— डॉ. विजय सूर्यवंशी, आयुक्त, पिंपरी-चिंचवड महानगरपालिका

“कचरा विलगीकरणाची सवय प्रत्येक कुटुंबात रुजणे आवश्यक आहे. त्यासाठी क्षेत्रीय कार्यालयांच्या माध्यमातून नागरंशी प्रत्यक्ष संवाद साधला जात आहे. कचऱ्याचे योग्य वर्गीकरण झाल्यास त्याचा पुनर्वापर आणि प्रक्रिया अधिक परिणामकारकपणे करता येईल.”

— कुलदीप जंगम, अतिरिक्त आयुक्त, पिंपरी-चिंचवड महानगरपालिका

“गृहभेटींच्या माध्यमातून चार प्रकारच्या कचऱ्याचे स्वतंत्र संकलन आणि घंटागाडीत कचरा देण्याची योग्य पद्धत समजावून सांगितली जात आहे. ‘आपला कचरा, आपली जबाबदारी’ या भावनेतून सर्व नागरिकांनी या मोहिमेत सक्रिय सहभाग घ्यावा.”

— डॉ. प्रदीप ठेंगल, उप आयुक्त, पिंपरी-चिंचवड महानगरपालिका