उत्तर सोलापूर तालुका (मॅक्स मंथन डेली न्यूज) प्रतिनिधी पंडित गवळी : राष्ट्रवादी काँग्रेस शरदचंद्र पवार पक्षाने उत्तर सोलापूर तालुक्यात ओबीसी समाजाला अधिक बळ देण्यासाठी एक महत्त्वाचा निर्णय घेतला आहे. कोंडी (उत्तर सोलापूर) येथील सामाजिक कार्यकर्ते दिलीप रामलाल निंबाळकर यांची उत्तर सोलापूर तालुका राष्ट्रवादी काँग्रेस शरदचंद्र पवार पक्ष ओबीसी सेलच्या तालुकाध्यक्षपदी नियुक्ती करण्यात आली आहे.
राष्ट्रवादी काँग्रेस शरदचंद्र पवार पक्षाचे सर्वेसर्वा शरद पवार, महाराष्ट्राचे माजी उपमुख्यमंत्री विजयसिंह मोहिते पाटील, खासदार सुप्रिया सुळे, प्रदेशाध्यक्ष जयंत पाटील, खासदार धैर्यशील (भैय्यासाहेब) मोहिते पाटील, ओबीसी प्रदेशाध्यक्ष राज राजापूरकर, मोहोळचे आमदार राजू कारे, सोलापूर जिल्हाध्यक्ष बळीराम काका साठे, जिल्हा कार्याध्यक्ष रवींद्र पाटील, मोहोळ तालुकाध्यक्ष रणजित चवरे आणि ओबीसी जिल्हाध्यक्ष अरुण तोडकर यांच्या नेतृत्वाखाली व मार्गदर्शनाखाली ही नियुक्ती करण्यात आली आहे.
दिलीप रामलाल निंबाळकर यांना सोलापूर जिल्हा परिषदेचे माजी अध्यक्ष मदनसिंह मोहिते पाटील यांच्या हस्ते नियुक्ती पत्र प्रदान करण्यात आले. या कार्यक्रमाला जिल्हाध्यक्ष अरुण तोडकर, सामाजिक न्याय विभाग महाराष्ट्र प्रदेश संघटन सचिव प्रा. नरेंद्र भोसले, लालासाहेब मोरे यांच्यासह अनेक मान्यवर उपस्थित होते.
निंबाळकर यांच्या निवडीमुळे उत्तर सोलापूर तालुक्यात ओबीसी समाजाच्या समस्यांना वाचा फुटेल, अशी अपेक्षा व्यक्त होत आहे. ते पक्षाच्या ओबीसी सेलला अधिक सक्षम करण्यासाठी प्रयत्न करतील, असा विश्वास कार्यकर्त्यांनी व्यक्त केला आहे.
