एल.बी.सुरवसे सरांच्या स्मृतींना हिरवीगार उजाळा: माजी विद्यार्थ्यांनी केले प्रेरणादायी वृक्षारोपण!

संघवी केशरी महाविद्यालयाचे माजी प्राचार्य एल.बी.सुरवसे सरांना माजी विद्यार्थ्यांकडून वृक्षारोपण करून अनोखे अभिवादन!

“गुरूने दिला ज्ञानरूपी वसा, आम्ही चालवू हा पुढे वारसा” – ३३ वर्षांनी एकत्र येत महाविद्यालयाच्या आठवणींना उजाळा देत २५ देशी रोपट्यांचे वृक्षारोपण!

चिंचवड, दि. १५ जुलै २०२५: “गुरूने दिला ज्ञानरूपी वसा, आम्ही चालवू हा पुढे वारसा” या उक्तीप्रमाणेच, चिंचवड स्टेशन येथील संघवी केशरी महाविद्यालयाचे माजी प्राचार्य दिवंगत एल.बी.सुरवसे यांच्या प्रथम पुण्यतिथी दिनानिमित्त त्यांच्या माजी विद्यार्थ्यांनी वृक्षारोपण करून अनोख्या आणि प्रेरणादायी पद्धतीने आदरांजली वाहिली. वृक्षारोपणाची आवड आणि जोपासना करणारे सुरवसे सर यांच्या स्मरणार्थ महाविद्यालयीन विद्यार्थ्यांनी २५ देशी रोपट्यांचे वृक्षारोपण केले.

३३ वर्षांनंतर ‘जुने’ मित्र आले एकत्र!

संघटनात्मक कौशल्याचे उत्तम उदाहरण देत, संघवी केशरी महाविद्यालयाच्या १९८७ ते १९९२ या वर्षातील माजी विद्यार्थी तब्बल ३३ वर्षांनी एकत्र आले. या प्रसंगी त्यांनी आपल्या महाविद्यालयीन काळातील आठवणींना उजाळा दिला, जुन्या मैत्रीचे धागे पुन्हा जुळवले आणि आपल्या लाडक्या गुरूंना अनोखे अभिवादन केले.

दुर्गादेवी टेकडीवर स्मृतींचे वृक्षारोपण:

दुर्गादेवी टेकडी येथे झालेल्या या हृदयस्पर्शी वृक्षारोपण कार्यक्रमात माजी विद्यार्थ्यांनी दिवंगत प्राचार्य एल.बी.सुरवसे यांचे स्मरणार्थ २५ देशी रोपट्यांचे वृक्षारोपण केले. या वृक्षाच्या वाढीबरोबरच आपल्या आवडत्या सुरवसे सरांची आठवण आणि त्यांच्याप्रती असलेले प्रेम वृद्धिंगत होईल, अशा भावना यावेळी उपस्थित माजी विद्यार्थ्यांनी व्यक्त केल्या. हे केवळ वृक्षारोपण नसून, सरांच्या स्मृतींना हिरवीगार उजाळा देणारे एक भावनिक प्रतीक होते. वृक्षारोपण मोहिमेसाठी अशोक वायकर यांचे विशेष सहकार्य लाभले.

मान्यवर आणि माजी विद्यार्थ्यांची मांदियाळी:

या कार्यक्रमास प्राचार्य सुरवसे सर यांचे नातेवाईक, मुलगा, मित्र मधुकर पाटील, तसेच महाविद्यालयाचे अनेक माजी विद्यार्थी उपस्थित होते. यामध्ये बाळासाहेब काटे, बाबू चिंचवडे, पोर्णिमा ललवानी, रवींद्र मानकर, अशोक जगताप, संतोष शिंदे, कैलास गावडे, राजू घोलप, अविनाश कदम, मुकुंद पाटील, विष्णु पोटे, छगनजी पटेल, रेखा मराठे, उज्वला बडदे, अलका चौधरी, संस्कृती सोनवणे, स्वाती निंबाळकर, भारती दूगड (बंब), लतीश बलकवडे, विवेक धडपळे, दत्ता शिगवण, मोझेस पाटोळे, विजय चव्हाण, चंद्रकांत बारणे, विजय दरेकर, गोपी सैदाने, दत्त गवारे, प्रदीप झेंडे, दिपक कोकणे, संकेत सोनवणे, अरुण थोरात यांचा समावेश होता.

गौरवशाली माजी विद्यार्थ्यांचा सत्कार:

या कार्यक्रमात आपल्या अथक परिश्रमातून उच्च पदावर पोहोचलेल्या अनेक माजी विद्यार्थ्यांचा शाल, स्मृतिचिन्ह व श्रीफळ देऊन सत्कार करण्यात आला. यामध्ये प्रेरणा महाविद्यालयाचे नवनियुक्त प्राचार्य नाना शिवले, सांगवी येथील बाबुरावजी घोलप महाविद्यालयाच्या उपप्राचार्या प्रा. डॉ. वंदना पिंपळे, पिंपरी-चिंचवड महानगरपालिकेचे माजी नगरसदस्य जयंत बागल, जनता संपर्क अधिकारी प्रफुल्ल पुराणिक, पोलीस आयुक्त कार्यालयातील पोलीस सहाय्यक उपनिरीक्षक सुनीता चुरी, निवृत्त पोलीस उपनिरीक्षक शिवाजी सस्ते, संतपीठाचे संचालक रामदास मोरे, पीएमपीएमएल (PMPML) चे राजू कोराळे आणि बालभवन संस्थेचे संचालक मधुकर इंगळे यांचा विशेष सत्कार करण्यात आला.

कार्यक्रमाचे प्रास्ताविक संतोष निंबाळकर यांनी केले, तर सूत्रसंचालन प्रफुल्ल पुराणिक यांनी केले. राजेंद्र नाना करपे आणि आबा सोनवणे यांनी उपस्थितांचे आभार मानले.

© २०२५ मॅक्स मंथन डेली न्यूज. सर्व हक्क राखीव.