पिंपरी-चिंचवड महापालिकेच्या ३८ अधिकारी-कर्मचाऱ्यांचा सेवा गौरव

सेवानिवृत्तांच्या सेवाभावाचा आणि आठवणींचा गौरव: सह आयुक्त मनोज लोणकर

पिंपरी, दि. २ ऑगस्ट २०२५: पिंपरी-चिंचवड महानगरपालिकेच्या सेवेतून जुलै २०२५ अखेर सेवानिवृत्त झालेल्या ३१ अधिकारी-कर्मचाऱ्यांचा आणि स्वेच्छानिवृत्ती घेतलेल्या ७ कर्मचाऱ्यांचा, अशा एकूण ३८ कर्मचाऱ्यांचा सत्कार करण्यात आला. ज्ञानज्योती सावित्रीबाई फुले स्मारकात झालेल्या या कार्यक्रमात सह आयुक्त मनोज लोणकर यांनी या सर्वांच्या सेवाभावाचा गौरव केला.

मनोज लोणकर म्हणाले की, “महापालिका सेवेत वर्षानुवर्षे जबाबदारीने काम करणाऱ्या या सहकाऱ्यांची कार्यपद्धत, सेवाभाव आणि त्यांच्या आठवणी कायम स्मरणात राहतील. त्यांच्या पुढील आरोग्यपूर्ण आणि आनंदी जीवनासाठी मी मनःपूर्वक शुभेच्छा देतो.”

कार्यक्रमातील मान्यवर आणि सेवानिवृत्तांची यादी

या कार्यक्रमाला उप आयुक्त सचिन पवार, संदीप खोत, विशेष अधिकारी किरण गायकवाड, जनता संपर्क अधिकारी प्रफुल्ल पुराणिक, कर्मचारी महासंघाचे मनोज माछरे, नथा मातेरे आणि नितीन समगीर यांच्यासह अनेक मान्यवर उपस्थित होते. सेवानिवृत्त झालेल्या कर्मचाऱ्यांचे कुटुंबीयही मोठ्या संख्येने उपस्थित होते.

जुलै २०२५ मध्ये सेवानिवृत्त झालेल्या अधिकारी आणि कर्मचाऱ्यांची नावे:

• अधिकारी: गणेश देशपांडे (आरोग्य कार्यकारी अधिकारी), विजयकुमार शिंदे, राजकुमार सूर्यवंशी, चंद्रशेखर कुर्ले (उप अभियंता), अनिता रोडगे, स्मिता बांदिवडेकर, अंजना बारावे (मुख्याध्यापिका), चारुशीला जोशी (लेखाधिकारी), कल्पना जाधव (ग्रंथालय प्रमुख).
• कर्मचारी: नामदेव लांडगे, राहुल जगताप (कार्यालय अधिक्षक), किरण शिवरात्री (लेखापाल), देविदास परांडे, वंदना कुंभार (मुख्य लिपिक), शुभांगी वैद्य (लॅब टेक्निशियन), शलमोन मिसाळ (एक्स-रे टेक्निशियन), शेखर बागुल (फार्मासिस्ट), रमेश बारापात्रे, रसूल शेख (लिपिक), सखाराम मडके, हनुमंत देवकर (प्लंबर), अनिल जगताप (जनरेटर ऑपरेटर), विलास तावरे (वायरमन), नरसय्या आडेप (रखवालदार), रामदास कटके, पांडुरंग भाईप, बाळू काटे (मजूर), नंदा साळवे, नवनाथ शेटे (सफाई कामगार), अनिल मोझे (डॉग पिग स्कोड कुली).

स्वेच्छानिवृत्ती घेतलेल्या कर्मचाऱ्यांमध्ये चंद्रशेखर शेलार, सुरेश शिवरकर (सफाई सेवक), पुष्पा बनसोडे, अर्चना रोकडे (सफाई कामगार), अनंता दळवी, मोतीराम धोत्रे (गटर कुली) आणि महादेव बोटे (कचरा कुली) यांचा समावेश आहे.

कार्यक्रमाचे प्रास्ताविक माया वाकडे यांनी केले, तर सूत्रसंचालन व आभार प्रफुल्ल पुराणिक यांनी मानले.

© 2025 मॅक्स मंथन डेली न्यूज. सर्व हक्क राखीव.