वाढदिवस समाजकार्याचा! सोमनाथ तापकीर यांचा गुणवंत विद्यार्थ्यांच्या सत्कार सोहळ्याने वाढदिवस साजरा
रहाटणी-पिंपळे सौदागर मंडळ अध्यक्षांकडून शिक्षण क्षेत्राला प्रोत्साहन; अनेक मान्यवरांची उपस्थिती
२७ ऑगस्ट २०२५, मॅक्स मंथन डेली न्यूज:
पिंपरी, प्रतिनिधी शाम सोनवणे – रहाटणी-पिंपळे सौदागर मंडळ अध्यक्ष सोमनाथ तापकीर यांचा वाढदिवस काल एक वेगळ्याच पद्धतीने साजरा झाला. केवळ केक कापून वाढदिवस साजरा न करता, या निमित्ताने दहावी व बारावी परीक्षेत उल्लेखनीय यश मिळवणाऱ्या गुणवंत विद्यार्थ्यांचा विशेष सत्कार करण्यात आला. या उपक्रमामुळे तापकीर यांच्या समाजकार्याची एक वेगळी ओळख निर्माण झाली आहे.
शिक्षण हीच देशाची खरी संपत्ती
काळेवाडी येथील आरंभ लॉन्स येथे आयोजित या कार्यक्रमात विद्यार्थ्यांचा सत्कार करून त्यांच्या उज्ज्वल भविष्यासाठी शुभेच्छा देण्यात आल्या. या सोहळ्याला नगरसेवक मोरेश्वर शेडगे यांच्यासह श्री.कैलास सानप भाजप उपाध्यक्ष महाराष्ट्र प्रदेश भटके विमुक्त आघाडी, उद्योजक श्री.मल्लेशशेठ कदरापूरकर मा. नगरसेवक श्री.प्रमोद ताम्हणकर, श्री.विनोद तापकीर, श्री.रुपेश तापकीर, श्री.सचिन काळे श्री.दिनेश नढे, श्री.अशोक शेळके , सौ.सीमाताई चव्हाण, श्री.राजेश मिसाळ, श्री.प्रकाश लोहार, श्री.प्रदीप शिंदे, श्री.अत्तार चाचा यांच्यासारखे अनेक मान्यवर उपस्थित होते.
यावेळी भारतीय जनता पार्टी पिंपरी चिंचवड शहराध्यक्ष शत्रुघ्न उर्फ बापू काटे बोलताना, शिक्षण हे समाजाच्या प्रगतीसाठी सर्वात मोठी गुरुकिल्ली आहे, असे मत व्यक्त करण्यात आले. “हे गुणवंत विद्यार्थी आपल्या देशाची खरी संपत्ती आहेत. भविष्यात हीच मुले आपल्या शहराचे व देशाचे नाव उज्ज्वल करतील, याचा मला अभिमान आहे. अशा उपक्रमांतून विद्यार्थ्यांना प्रोत्साहन देणे हे आपले कर्तव्य आहे”, असे सांगत उपक्रमाचे कौतुक करण्यात आले.
समाजकार्याची अनोखी भेट
सोमनाथ तापकीर यांच्या सामाजिक कार्याची प्रशंसा करताना, ते एक कार्यकर्ता म्हणून सदैव समाजकार्यात आघाडीवर असतात, असे नमूद करण्यात आले. त्यांचा वाढदिवसाचा हा उपक्रम समाजाला प्रेरणा देणारा असून, त्यांनी घेतलेला हा पुढाकार निश्चितच प्रशंसनीय आहे.
या प्रेरणादायी सोहळ्यासाठी स्थानिक पदाधिकारी, पालक, नागरिक आणि विद्यार्थ्यांनी मोठ्या संख्येने हजेरी लावली. या संपूर्ण कार्यक्रमात उत्साह आणि सकारात्मकतेचे वातावरण होते, जे खऱ्या अर्थाने समाज आणि शिक्षणाचा संगम दर्शवते.
© 2025 मॅक्स मंथन डेली न्यूज. सर्व हक्क राखीव.
