ब्राह्मण युवकांनो, उद्योजक व्हा! परशुराम महामंडळाचे कर्ज घेऊन लाखांपर्यंत व्याज सवलत मिळवा – कॅप्टन आशिष दामले
विधानसभा उपाध्यक्ष आण्णा बनसोडे यांचे आवाहन; पिंपरीत भव्य सत्कार सोहळा, शैक्षणिक आणि व्यावसायिक कर्जासाठी विशेष योजनांची घोषणा.
पिंपरी, पुणे, दि. १ ऑक्टोबर , मॅक्स मंथन डेली न्यूज:
ब्राह्मण समाजाने सर्व क्षेत्रात आपले कर्तृत्व सिद्ध केले आहे. या समाजातील बेरोजगार युवकांना मुख्य प्रवाहात आणण्यासाठी मुख्यमंत्री देवेंद्र फडणवीस आणि उपमुख्यमंत्री अजित पवार यांच्या मार्गदर्शनाखाली परशुराम आर्थिक विकास महामंडळाची स्थापना करण्यात आली आहे. या महामंडळाकडून कर्ज घेऊन युवकांनी तात्काळ उद्योग-व्यवसाय उभारावे आणि देश विकासात हातभार लावावा, असे आवाहन विधानसभेचे उपाध्यक्ष आण्णा बनसोडे यांनी केले.
विप्र फाउंडेशन आणि विविध ब्राह्मण संस्थांच्या वतीने प्राधिकरण, आकुर्डी येथील ग. दि. माडगूळकर सभागृहात आयोजित दिवाळी स्नेह मेळाव्यात बनसोडे बोलत होते. यावेळी परशुराम आर्थिक विकास महामंडळाचे अध्यक्ष (कॅबिनेट मंत्री दर्जा) निवृत्त कॅप्टन आशिष दामले यांचा पुणेरी पगडी घालून भव्य सत्कार करण्यात आला.
युवकांसाठी महामंडळाच्या महत्त्वाकांक्षी योजना
सत्काराला उत्तर देताना कॅप्टन आशिष दामले यांनी समाजातील युवकांना सक्षम बनवण्यासाठी महामंडळाने आखलेल्या योजनांची माहिती दिली. पौरोहित्य करणाऱ्या कुटुंबातील युवकांना रोजगाराच्या समस्यांचा सामना करावा लागतो, हे लक्षात घेऊन भरघोस निधी मिळालेल्या महामंडळाच्या योजनांचा लाभ घेण्याचे आवाहन त्यांनी केले:
दामले यांनी जयपूर येथील परशुराम भवनच्या धर्तीवर राज्यातील सर्व विभागात परशुराम भवन उभारण्यासाठी पाठपुरावा सुरू असल्याचे सांगितले. महामंडळाच्या निर्मितीनंतर अवघ्या नऊ महिन्यांत पुण्यात पहिले ब्राह्मण भवन कार्यालय सुरू झाल्याचे त्यांनी नमूद केले.
- आमदार उमा खापरे: मुख्यमंत्री फडणवीस यांनी अनेक वर्षांपासून प्रलंबित असणारे हे महामंडळ स्थापन करून ब्राह्मण युवकांना आर्थिकदृष्ट्या सक्षम बनवण्यास चालना दिली आहे.
- माजी महापौर योगेश बहल: भक्ती शक्ती चौकात भगवान परशुरामांचे शस्त्र ‘परशू’ ची स्थापना केलेले उद्यान सुशोभीकरण करण्यासाठी पाठपुरावा करणार, तसेच हद्दीत परशुराम भवनसाठी जागा उपलब्ध करून देण्यासाठी उपमुख्यमंत्री अजित पवार यांच्याकडे मागणी करणार.
- आमदार अमित गोरखे: ब्राह्मण समाज सर्वात स्फूर्तीदायी असून, स्पर्धा परीक्षेत उत्तीर्ण होऊन अधिकारी होणाऱ्यांची संख्या या समाजात जास्त आहे.
या कार्यक्रमाला माजी नगरसेवक योगेश बहल, केशव घोळवे, आमदार उमा खापरे, अमित गोरखे यांच्यासह विप्र फाउंडेशन, गौड ब्राह्मण संघठन पुणे, पारीक ब्राह्मण समाज, खंडेलवाल ब्राह्मण समाज, पुना सिखवाल ब्राह्मण समाज, श्री राजस्थानी छ:न्याती विप्र मंडल, राजपुरोहित ब्राह्मण समाज, अखिल ब्राह्मण संघ महाराष्ट्र, महाराष्ट्रीयन ब्राह्म समाज, सिद्धिविनायक संस्थान, दाधीच समाज सेवा संघ, बाँड ब्राह्मण संघटन, अखिल भारतीय ब्राह्मण महासंघ, सारस्वत ब्राह्मण समाज, श्रीगौड ब्राह्मण समाज, ११ परगना राजपुराहित समाज, श्री महर्षी गौतम गुर्जरगौड ब्राह्मण सेवा संस्था, समस्त ब्राह्मण समाज आणि हून अधिक संस्था-संघटनांचे पदाधिकारी व बहुसंख्य नागरिक उपस्थित होते.
© मॅक्स मंथन डेली न्यूज. सर्व हक्क राखीव.
