३५ वर्षांनंतर पुन्हा भरला शाळेचा वर्ग! १९८९ च्या बॅचचे माजी विद्यार्थी सर्जापूर येथे एकत्र

सोनेरी आठवणींना उजाळा देत लाडक्या गुरुजनांचा सन्मान; शाळेचे दिवस पुन्हा जगण्याची मिळाली सुवर्णसंधी

 सर्जापूर, दि. २८ नोव्हेंबर २०२५, मॅक्स मंथन डेली न्यूज:

आयुष्यातील सर्वात सुंदर आणि अविस्मरणीय टप्पा म्हणजे शालेय जीवन. याच बालपणीच्या आणि सोनेरी आठवणींना पुन्हा एकदा उजाळा देण्यासाठी चंद्रभानजी विद्यालय कुंड, सर्जापूर येथील १९८९ च्या दहावीच्या बॅचचे माजी विद्यार्थी आणि विद्यार्थिनी तब्बल ३५ वर्षांनंतर एकत्र आले होते.

हा भावनिक आणि उत्साहाचा ‘गेट-टुगेदर’ (Gate-Together) कार्यक्रम रविवार, दिनांक ०९ नोव्हेंबर २०२५ रोजी खाना खजाना हॉटेल येथे सकाळी ११ वाजता आयोजित करण्यात आला होता.

या स्नेहमेळाव्याचे सर्वात मोठे आणि विशेष आकर्षण म्हणजे, माजी विद्यार्थ्यांच्या जीवनाला योग्य दिशा देणाऱ्या त्यांच्या आदरणीय गुरुजनांची उपस्थिती. शिक्षकांच्या उपस्थितीमुळे हा कार्यक्रम अधिक भावनिक आणि अर्थपूर्ण ठरला.

यावेळी प्रमुख पाहुणे म्हणून शिक्षक आर. जी. किटुकले, आर. एस. गावंडे, एम. एस. शेकोकार, टी. के. पटेल आणि एस. एम. निर्मळ आदी मान्यवर उपस्थित होते.

या लाडक्या शिक्षकांच्या उपस्थितीत, विद्यार्थ्यांनी जुन्या आठवणींना उजाळा दिला. शाळेतील खोड्या, अभ्यास, आणि वर्गमित्रांसोबतचे गमती-जमतीचे किस्से पुन्हा ऐकून सर्वजण हसले आणि नॉस्टॅल्जिक झाले. विद्यार्थ्यांनी आपल्या आदरणीय शिक्षकांचा यथोचित सन्मान देखील केला.

३५ वर्षांनंतर जुन्या मित्रांना भेटण्याची, बालपणीच्या आठवणींना उजाळा देण्याची आणि जीवनातील प्रवासाची देवाणघेवाण करण्याची ही एक सुवर्णसंधी होती. १९८९ च्या या बॅचच्या सर्व मित्र-मैत्रिणींनी या कार्यक्रमाला मोठ्या संख्येने उपस्थित राहून या भेटीची रंगत वाढवली.

कार्यक्रमाचे सूत्रसंचालन करण्याची जबाबदारी सौ. सुचिताताई खुळे यांनी उत्कृष्टपणे पार पाडली, तर या अविस्मरणीय क्षणांना कॅमेऱ्यात कैद करण्याचे काम रोहन गौरकर यांनी केले.

दिवाकर गौरकर, शरद तायडे, शरद इंगोळे, प्रमोद माहूलकर, वासुदेव पारीसे, गजानन घाटे, विजय शिरसाठ, मारोती तायडे, सैय्यद जाकीर, एकनाथ ठवरी, सुरेश सैरीसे, नरहर पुनसे, राजू तायलकर, सुरेंद्र ढोणे, सुरेश महल्ले, राजेश उमेकर, अरविंद मानकर, राजेंद्र सैरीसे, राजू बडगे, गजानन कदम, विठ्ठल ओलिवकर, शेख रशिद, शंकर उमेकर, मोहन मानोटे, हिरालाल शेंडे, नरेश पापळकर, अर्जुन वासनीक, निवृत्ती मुंडे, गजानन मोहाड, नीता माहुरे, अनिता बंड, संगीता मानकर, पद्मा उमेकर, वर्षा मानकर, नर्मदा रंगारी, ममता काळे, मंगला माहूलकर, वैशाली विघे, कल्पना माहूलकर, जयश्री इंगोले, शीला दोनसंदे आणि सरला खोरगडे यावेळी उपस्थित असलेले माजी विद्यार्थी व विद्यार्थिनीं.

© २०२५ मॅक्स मंथन डेली न्यूज. सर्व हक्क राखीव.