दापोडीत महाआरोग्य शिबिराचा महालाभ! सामाजिक कार्यकर्त्या दुर्गाताई ठोकळ यांच्या पुढाकाराने ५,००० हून अधिक नागरिकांचा सहभाग

२५ हून अधिक रुग्णालयांचा सहभाग; मोफत शस्त्रक्रियेसाठी ४०० हून अधिक रुग्णांची नोंदणी, तर महिलांसाठी कॅन्सरची महागडी तपासणी मोफत

पिंपरी प्रतिनिधी शाम सोनवणे, दि. २ डिसेंबर २०२५, मॅक्स मंथन डेली न्यूज: 

दापोडी परिसरातील सामाजिक कार्यकर्त्या सौ. दुर्गाताई निरंजन ठोकळ आणि सनराईस मेडिकल फाउंडेशन यांच्या वतीने आयोजित करण्यात आलेले डॉ. बाबासाहेब आंबेडकर महाआरोग्य सेवा शिबिर शनिवारी (दिनांक २९ नोव्हेंबर २०२५) प्रचंड उत्साहात व यशस्वीपणे पार पडले. या एकदिवसीय शिबिरात दापोडी परिसरातील ५ हजारांहून अधिक नागरिकांनी सहभाग नोंदवत विविध वैद्यकीय सुविधांचा लाभ घेतला.

या शिबिरामध्ये पुणे आणि पिंपरी-चिंचवडमधील २५ हून अधिक नामांकित रुग्णालये सहभागी झाली होती. सामान्यतः महागडे असणारे निदान आणि उपचार गरजू रुग्णांना मोफत उपलब्ध करून देण्यामुळे समाजातील गरजू घटकांना मोठा दिलासा मिळाला.

शिबिरामध्ये नागरिकांनी मोठ्या प्रमाणात आरोग्य तपासण्या करून घेतल्या. प्रमुख आकडेवारी खालीलप्रमाणे आहे:

• दिव्यांग बांधवांना मदत: १२० दिव्यांग बांधवांना आवश्यक साहित्य आणि २,६७४ चष्म्यांचे वाटप करण्यात आले.

• मोफत शस्त्रक्रिया नोंदणी: १६० रुग्णांची डोळ्यांच्या मोफत शस्त्रक्रियेसाठी नोंदणी झाली. याशिवाय, २३६ रुग्णांची जनरल शस्त्रक्रिया, अँजिओग्राफी आणि इतर शस्त्रक्रियांसाठी नोंदणी झाली असून, त्यांना पुढील उपचारांसाठी संबंधित रुग्णालयात दाखल करण्यात येणार आहे.

• कॅन्सर तपासणी: समर्थ युवा फाउंडेशनच्या कॅन्सर व्हॅनद्वारे सामान्यतः १३,५०० रुपयांच्या खर्चिक कॅन्सर चाचण्या पूर्णपणे मोफत करण्यात आल्या. यामध्ये ३५० हून अधिक महिलांनी विविध आरोग्य चाचण्या करून घेतल्या.

या शिबिराचे उद्घाटन डॉ. डी. वाय. पाटील हॉस्पिटल अँड रिसर्च सेंटरचे मेडिकल सुपरिटेंडेंट डॉ. हनुमंत चव्हाण यांच्या हस्ते करण्यात आले.

शिबिराच्या यशस्वी आयोजनासाठी प्रमुख आयोजक सौ. दुर्गाताई निरंजन ठोकळ आणि निरंजन सोपान ठोकळ यांच्यासह सनराइज मेडिकल फाउंडेशनच्या अध्यक्षा स्वप्ना सतीश कांबळे, कार्याध्यक्षा सारिका संतोष कांबळे, पूर्वा संतोष कांबळे, माजी नगरसेवक रोहित आप्पा काटे, माजी नगरसेवक राजू बनसोडे, संदीप गायकवाड, नाना काटे, विशाल वाळुंज आणि अनेक कार्यकर्त्यांनी महत्त्वपूर्ण योगदान दिले.

यासोबतच मंगेश निर्गुणे, प्रभाकर जाधव, विकी मारी, योगेश पांडुरंग कांबळे, विनोद मगर, अरविंद गायकवाड, अजय जाधव, अरविंद पंडित, आनंद कांबळे, प्रमोद वाघमारे, कल्पेश कुलते, नजीर मुजावर, अर्जुन भोसले, केतन जोशी, अजय ठोंबरे, संजय लांडगे, संदेश बोर्डे, कैलास क्षीरसागर, शंतनु सतीश कांबळे, हर्षवर्धन संतोष कांबळे आणि कृष्णा सतीश कांबळे यांनीही शिबिरासाठी विशेष मेहनत घेतली.

शिबिराच्या यशाबद्दल आयोजक दुर्गाताई ठोकळ यांनी सर्व सहभागी रुग्णालये, कार्यकर्ते आणि दापोडीतील नागरिकांचे आभार मानले.

© २०२५ मॅक्स मंथन डेली न्यूज. सर्व हक्क राखीव.