महाराष्ट्राच्या राजकारणात नवा इतिहास! सुनेत्रा वहिनी पवार बनल्या राज्याच्या पहिल्या महिला उपमुख्यमंत्री; मंत्रालयात स्वीकारला पदभार
मुंबई, ११ फेब्रुवारी २०२६ | मॅक्स मंथन डेली न्यूज:
मुंबई : महाराष्ट्राच्या राजकीय इतिहासात आजचा दिवस सुवर्णाक्षरांनी कोरला गेला आहे. राज्याच्या पहिल्या महिला उपमुख्यमंत्री होण्याचा मान श्रीमती सुनेत्रा वहिनी अजितदादा पवार यांना मिळाला असून, आज त्यांनी मंत्रालयात विधिवत आपल्या पदाचा कार्यभार स्वीकारला. दिवंगत नेते अजितदादा पवार यांच्या निधनानंतर निर्माण झालेल्या राजकीय परिस्थितीत सुनेत्रा पवार यांची ही नियुक्ती महिला सक्षमीकरणाच्या दृष्टीने एक मोठे पाऊल मानले जात आहे.
कार्यभार स्वीकारल्यानंतर सुनेत्रा पवार यांनी महाराष्ट्राच्या जनतेप्रती कृतज्ञता व्यक्त केली. “राज्यातील सर्वसामान्य नागरिक, महिला, शेतकरी, युवक आणि वंचित घटकांच्या सर्वांगीण विकासासाठी मी सदैव कटिबद्ध राहीन. महाराष्ट्राला प्रगतीच्या शिखरावर नेण्यासाठी पारदर्शक आणि लोकाभिमुख प्रशासन देणे हेच माझे मुख्य उद्दिष्ट असेल,” असा ठाम निर्धार त्यांनी यावेळी बोलताना व्यक्त केला.
या ऐतिहासिक प्रसंगी मंत्रालयातील उपमुख्यमंत्री दालनात वरिष्ठ अधिकारी, राष्ट्रवादी काँग्रेसचे पदाधिकारी आणि कार्यकर्त्यांनी मोठी गर्दी केली होती. सुनेत्रा वहिनींच्या रूपाने राज्याला पहिले महिला उपमुख्यमंत्रीपद मिळाल्याबद्दल सर्वच स्तरांतून त्यांचे अभिनंदन करण्यात येत आहे. त्यांच्या या नियुक्तीमुळे प्रशासकीय कामात अधिक संवेदनशीलता आणि गती येईल, असा विश्वास यावेळी उपस्थित मान्यवरांनी व्यक्त केला.
महाराष्ट्राच्या इतिहासात अनेक दिग्गज महिला नेत्या होऊन गेल्या, मात्र उपमुख्यमंत्री पदापर्यंत पोहोचणाऱ्या सुनेत्रा पवार या पहिल्या महिला ठरल्या आहेत. सामाजिक कार्यातील त्यांचा प्रदीर्घ अनुभव आणि ग्रामीण भागातील प्रश्नांची असलेली जाण यामुळे राज्याच्या विकासात त्या मोलाची भूमिका बजावतील, अशी चर्चा राजकीय वर्तुळात सुरू आहे.
© २०२६ मॅक्स मंथन डेली न्यूज. सर्व हक्क राखीव.
