बहिणींचे रक्षण ही भावाची जबाबदारी! ‘न्यू होम मिनिस्टर’ बक्षीस वितरण सोहळ्यात माजी आमदार अश्विनीताई जगताप

सचिन साठे सोशल फाउंडेशनच्या उपक्रमाचे कौतुक; पुष्पा लोकरे यांना ₹ १,११,१११ आणि मानाची पैठणी

पिंपरी चिंचवड प्रतिनिधी बालाजी नवले, दि. ६ नोव्हेंबर २०२५, मॅक्स मंथन डेली न्यूज:

पिंपळे निलख येथे सचिन साठे सोशल फाउंडेशनच्या वतीने भाऊबीज या खास थीमवर आयोजित करण्यात आलेल्या महिला भगिनींसाठीच्या ‘न्यू होम मिनिस्टर’ कार्यक्रमातील विजेत्यांना माजी आमदार अश्विनीताई जगताप यांच्या हस्ते बक्षीस देऊन गौरविण्यात आले. यावेळी बोलताना अश्विनीताई जगताप यांनी फाउंडेशनच्या कार्याचे कौतुक केले.

💬 “बहीण-भावाचे जिव्हाळ्याचे नाते असते. वेळप्रसंगी बहिणीचे रक्षण करणे ही भावाची जबाबदारी असते. सचिन साठे सोशल फाउंडेशनच्या सर्व पदाधिकाऱ्यांनी आता बहिणींच्या रक्षणाची जबाबदारी घेतली आहे, हे खूप कौतुकास्पद आहे,” असे माजी आमदार अश्विनीताई जगताप यांनी सांगितले.

या कार्यक्रमात मोठ्या संख्येने महिला भगिनींनी सहभाग घेतला. क्रांतीनाना मळेगांवकर यांनी ‘न्यू होम मिनिस्टर खेळ पैठणीचा’ या कार्यक्रमाचे सादरीकरण केले.

लकी ड्रॉ विजेत्या:

या व्यतिरिक्त अमृता संदीप हळदणकर, गजराबाई मुरलीधर काटे, किरण अरुण पाटील, सोनाली आशुतोष देसले आणि अमृता रामेश्वर दहे या पाच लकी ड्रॉ विजेत्यांना प्रत्येकी रोख ₹ ११,१११/- आणि आकर्षक साडी देऊन गौरविण्यात आले. तसेच, उपस्थित प्रत्येक महिला भगिनीला प्रोत्साहन देण्यासाठी आकर्षक साडी भेट देण्यात आली.

या कार्यक्रमाला आयोजक सचिन साठे, पुणे मनपाच्या माजी नगरसेविका मोनिका मुरलीधर मोहोळ, भाजपा शहराध्यक्ष शत्रुघ्न काटे, सामाजिक कार्यकर्त्या स्वप्ना शत्रुघ्न काटे, भुलेश्वर नांदगुडे, विनायक गायकवाड, निवृत्त एसीपी श्रीकांत पाटील, नरेंद्र गायकवाड, काळुशेठ नांदगुडे, नितीन इंगवले, सुरेश बापू साठे, अनंत कुंभार, अनिल संचेती, अशोक बालवडकर, कल्पनाताई सदाकाळ, अरुणा सूर्यवंशी, टीव्ही स्टार सह्याद्री मळेगांवकर आदींसह शेकडो सहभागी महिला उपस्थित होत्या. सचिन साठे सोशल फाउंडेशनच्या सर्व पदाधिकारी व कार्यकर्त्यांनी कार्यक्रमाचे उत्कृष्ट संयोजन केले.

© २०२५ मॅक्स मंथन डेली न्यूज. सर्व हक्क राखीव.