चऱ्होलीकरांनो सावधान! वाघेश्वर महाराज यात्रेनिमित्त वाहतुकीत मोठे बदल; ‘या’ मार्गांवर पाच दिवस असेल प्रवेशबंदी

पिंपरी-चिंचवड, प्रतिनिधी आकाश कांबळे, १४ फेब्रुवारी २०२६ | मॅक्स मंथन डेली न्यूज:

पिंपरी-चिंचवड : मौजे चऱ्होली बुद्रुक (ता. हवेली) येथे श्री वाघेश्वर महाराज उत्सव यात्रेनिमित्त दि. १५ फेब्रुवारी ते १९ फेब्रुवारी २०२६ या कालावधीत वाहतुकीत मोठे बदल करण्यात आले आहेत. यात्रेनिमित्त आयोजित कुस्ती, तमाशा आणि बैलगाडा शर्यतींसाठी महाराष्ट्रातून सुमारे ७० ते ८० हजार भाविक येण्याची शक्यता असल्याने, वाघेश्वर चौक परिसरातील वाहतूक पर्यायी मार्गाने वळवण्यात आली आहे.

पोलीस उपायुक्त (वाहतूक शाखा) विवेक पाटील यांनी मोटार वाहन कायद्यानुसार हे तात्पुरते आदेश निर्गमित केले आहेत.

खालील मार्गांवर सर्व प्रकारच्या वाहनांना (अत्यावश्यक सेवा वगळून) प्रवेशबंदी असेल:

चऱ्होली गावातील अंतर्गत रस्त्यांवर भाविकांची मोठी गर्दी होणार असल्याने वाघेश्वर चौकात अपघात टाळण्यासाठी हे निर्बंध लादण्यात आले आहेत. दिघी-आळंदी वाहतूक विभागाच्या वतीने या ठिकाणी बॅरिकेडिंग आणि अतिरिक्त पोलीस बंदोबस्त तैनात करण्यात आला आहे. नागरिकांनी पाच दिवस पर्यायी मार्गांचा अवलंब करून प्रशासनाला सहकार्य करावे, असे आवाहन वाहतूक शाखेने केले आहे.

© २०२६ मॅक्स मंथन डेली न्यूज. सर्व हक्क राखीव.