अमरावती महापालिकेचा स्तुत्य उपक्रम! नवसारी आरोग्य वर्धनी केंद्रात शेकडो नागरिकांची मोफत आरोग्य तपासणी; तज्ज्ञ डॉक्टरांच्या चमूकडून रोगनिदान

अकोला /मुर्तिजापुर प्रतिनिधी विलास सावळे, ०८ मार्च २०२६ | मॅक्स मंथन डेली न्यूज:

अमरावती : अमरावती महानगरपालिकेच्या वतीने नवसारी आरोग्य वर्धनी केंद्र (RCH) अंतर्गत माता, बालके, शालेय विद्यार्थी आणि ज्येष्ठ नागरिकांसाठी भव्य मोफत आरोग्य तपासणी शिबिराचे आयोजन करण्यात आले होते. महापालिका आयुक्त सौम्या चांडक – शर्मा आणि अतिरिक्त आयुक्त शिल्पा नाईक यांच्या मार्गदर्शनाखाली सार्वजनिक आरोग्य विभाग चे वैद्यकीय आरोग्य अधिकारी डॉ विशाल काळे ,डॉ रुपेश खडसे साथ रोग नियंत्रण अधिकारी डॉ.आकिब खान यांनी पार पडलेल्या या शिबिरात शेकडो नागरिकांनी आपल्या आरोग्याची तपासणी करून घेतली.

गोडे वैद्यकीय महाविद्यालयातील तज्ज्ञ डॉक्टरांच्या चमूने या शिबिरात आपली सेवा दिली. यामध्ये प्रामुख्याने खालील तपासण्या करण्यात आल्या:

• तपासणीचे स्वरूप: रक्तदाब, मधुमेह, डोळे तपासणी, कर्करोग निदान आणि त्वचा रोग तपासणी.

• गर्भवती महिला: गरोदर मातांची विशेष आरोग्य तपासणी आणि मार्गदर्शन.

• बालरोग: लहान मुलांच्या आजारांचे निदान करून त्यांना औषधोपचार देण्यात आले.

यावेळी डॉ. अंकिता राऊत, डॉ. आकाश (नेत्र विभाग), डॉ. समीर चाऊस (बालरोगतज्ञ), डॉ. विनंती नवरे (कुष्ठरोग अधिकारी) , डॉ. श्वेता मोहोड (त्वचारोग तज्ञ) आणि जोसेफ पीटर व पन्हाळे (आरोग्य तपासणी साहाय्यक) यांनी रुग्णांची तपासणी केली.

साथरोग नियंत्रण अधिकारी डॉ. रुपेश खडसे यांनी यावेळी कीटकजन्य आणि जलजन्य आजारांबाबत नागरिकांना सतर्क केले. पावसाळी वातावरणात किंवा साचलेल्या पाण्यात डासांची उत्पत्ती होऊ नये, यासाठी प्रतिबंधात्मक उपाययोजना सुचवल्या. तर महेंद्र कॉलनी नागरी आरोग्य केंद्राचे वैद्यकीय अधिकारी डॉ. आकिब खान यांनी नागरिकांनी नियमित आरोग्य तपासणी करण्याचे आवाहन केले.

आरोग्य निरीक्षक हैदर अली आणि शशिकांत जैस्वाल यांनी जनजागृती करताना “गप्पी मासे पाळा, डेंग्यू-मलेरिया टाळा” असा संदेश दिला. तापाची लक्षणे आढळल्यास रक्ताची तपासणी करून घेण्याचे आवाहन त्यांनी केले. या शिबिरात आरोग्य सेविका वैशाली सुरोशे, अर्चना बाळस्कर, पुरुष आरोग्य सेवक मनीष हटवार, उमेश जाधव, जुबेर खान आणि सर्व आशा स्वयंसेविकांनी मोलाचे सहकार्य केले.

महेंद्र कॉलनी आणि नवसारी परिसरात या शिबिरामुळे समाधानाचे वातावरण असून, नागरिकांनी अशा उपक्रमांचे स्वागत केले आहे. औषध निर्माण अधिकारी राहुल खलेलकर आणि लॅब टेक्निशियन मीनाक्षी पाटेकर यांनी औषध वाटप आणि रक्त तपासणीची जबाबदारी यशस्वीपणे पार पाडली.

© २०२६ मॅक्स मंथन डेली न्यूज. सर्व हक्क राखीव।