पुणे (मॅक्स मंथन डेली न्यूज): डिजिटल मीडिया संपादक पत्रकार संघटना, महाराष्ट्र – मुंबई यांच्या पुढाकाराने साकारलेल्या ‘प्रतिबिंब प्रतिष्ठान’चा लोकार्पण सोहळा आणि ‘महाराष्ट्र महागौरव पुरस्कार २०२५’ वितरण समारंभ येत्या रविवारी, २५ मे २०२५ रोजी सायंकाळी पुण्यातील JW Marriott येथे मोठ्या थाटात संपन्न होणार आहे.
या प्रतिष्ठित कार्यक्रमाचे उद्घाटन राज्याचे उच्च व तंत्रशिक्षण मंत्री आणि संसदीय कार्यमंत्री मा. चंद्रकांतदादा पाटील यांच्या हस्ते होईल, तर महाराष्ट्र विधानसभेचे उपाध्यक्ष मा. अण्णा बनसोडे कार्यक्रमाच्या अध्यक्षस्थानी असतील. या सोहळ्याला विशेष उपस्थिती म्हणून ग्रामविकास व पंचायतराज मंत्री मा. जयकुमार गोरे आणि आयुष्मान भारत मिशन, महाराष्ट्रचे अध्यक्ष डॉ. ओमप्रकाश शेटे हे मान्यवर उपस्थित राहून पुरस्कार विजेत्यांना गौरवान्वित करतील.
हा समारंभ डिजिटल मीडिया संपादक पत्रकार संघटना, महाराष्ट्र – मुंबई यांच्या प्रयत्नातून आयोजित करण्यात आला आहे. यात समाजाच्या विविध क्षेत्रांमध्ये उल्लेखनीय कार्य करणाऱ्या व्यक्तींना ‘महाराष्ट्र महागौरव पुरस्कार २०२५’, पत्रकारितेतील योगदानासाठी ‘महाराष्ट्र महागौरव पत्रकारिता पुरस्कार २०२५’ आणि डिजिटल क्षेत्रात उत्कृष्ट कामगिरी करणाऱ्यांना ‘डिजिटल स्टार पुरस्कार’ प्रदान केले जाणार आहेत.
प्रतिबिंब प्रतिष्ठानचे संस्थापक अध्यक्ष मा. राजा माने यांनी या सोहळ्याबद्दल माहिती देताना सांगितले की, हा कार्यक्रम केवळ पुरस्कार वितरणापुरता मर्यादित नसून, पत्रकारिता आणि समाजसेवेच्या क्षेत्रात कार्यरत असलेल्या लोकांसाठी प्रेरणास्रोत ठरेल. तसेच, नव्या पिढीला योग्य दिशा देण्याचे आणि समाज बदलाच्या प्रक्रियेत सक्रिय सहभाग घेण्यास प्रोत्साहित करण्याचे कार्य या प्रतिष्ठानच्या माध्यमातून केले जाईल.
कार्यक्रमाची सुरुवात प्रमुख पाहुण्यांच्या हस्ते प्रतिबिंब प्रतिष्ठानच्या लोकार्पण सोहळ्याने होईल. त्यानंतर विविध क्षेत्रांतील मान्यवरांना ‘महाराष्ट्र महागौरव पुरस्कार २०२५’ प्रदान करण्यात येतील.
डिजिटल मीडिया संपादक पत्रकार संघटनेचे संस्थापक मा. राजा माने यांनी विश्वास व्यक्त केला की, हा उपक्रम निश्चितच नव्या पिढीच्या पत्रकारांसाठी एक महत्त्वाचे मार्गदर्शन ठरेल आणि त्यांच्यासाठी नवीन संधी व आशा निर्माण करेल.
महाराष्ट्र महागौरव पुरस्कार २०२५ – पुरस्कार विजेते:
- मा. प्राचार्य डॉ. किरण सावे, पालघर – आदिवासी भागातील शिक्षण क्षेत्रात कार्य
- बिग हिट मीडिया – अनुष्का सोलवट, ऋतिक मणी, अनिल मणी – कला व मनोरंजन क्षेत्र
- सचिन वायकुळे, बार्शी – तृतीयपंथीय व देहविक्रय क्षेत्रातील महिलांसाठी कार्य
- प्रा. डॉ. पुरुषोत्तम धोंडगे, कंधार, नांदेड – शिक्षण व ग्रामविकास
- उमाकांत मिटकर, नळदुर्ग, धाराशिव – भटक्या-विमुक्त जमातीसाठी कार्य
- मोहन डांगरे, सोलापूर – महिला सक्षमीकरण व समाजसेवा
- प्रशांत मोरे, महाबळेश्वर – युवा उद्योजक, बांधकाम व सामाजिक कार्य
- संजय कोठारी, जामखेड – सामाजिक कार्य
- नामदेवराव खराडे, छत्रपती संभाजीनगर – साखर उद्योग
- स्वप्निल परदेशी, पाचगणी – चिक्की उद्योग
- विजय राऊत, छत्रपती संभाजीनगर – शिक्षण, क्रीडा व साहित्य
- संदीप शिंदे, यवतमाळ – बेघर मनोरुग्ण पुनर्वसन
- शिवराम घोडके, बीड – प्रगत व सेंद्रिय शेती
- आतिश शिरसाट, सोलापूर – बेवारस मनोरुग्ण पुनर्वसन
- भास्कर घुले – श्री विघ्नहर साखर कारखान्याचे कार्यकारी संचालक
- संतोष ठोंबरे, बार्शी – ग्रामविकास व समाजसेवा
- मानसिंगराव चव्हाण, कोरेगाव – सहकारी साखर कारखाना व्यवस्थापन
- शुभम पसारकर, गडचिरोली – निराधार पुनर्वसन, दिव्यवंदना आधार फाउंडेशन
महाराष्ट्र महागौरव पत्रकारिता पुरस्कार २०२५:
- सरिता कौशिक – संपादिका, एबीपी माझा, मुंबई
- साहिल जोशी – संपादक, मुंबई तक
- संजीव उन्हाळे – ज्येष्ठ पत्रकार, छत्रपती संभाजीनगर
- भारत चव्हाण – ज्येष्ठ पत्रकार, लोकमत, कोल्हापूर
- दिलीप सपाटे – अध्यक्ष, विधीमंडळ वार्ताहर संघ, मंत्रालय, मुंबई
डिजिटल स्टार पुरस्कार:
- नितीन पाटील – पोलीसनामा
- अश्विनी जाधव – लोकमत डिजिटल
- अभिजीत दराडे – मटा डिजिटल
- विष्णू सानप – लेटसअप डिजिटल
- ओमकार वाबळे – मुंबई तक डिजिटल
या कार्यक्रमाच्या संयोजन समितीमध्ये राजा माने, सतीश सावंत, महेश कुगांवकर, नंदकुमार सुतार, केतन महामुनी, शामल खैरनार, राजू वाघमारे, विकास भोसले, तेजस राऊत, इक्बाल शेख, दिपक नलावडे, अमोल पाटील, अजिंक्य स्वामी, गणेश हुबे आणि प्रशांत साळुंके यांचा समावेश आहे.
